Fottirde Seedeeɓe Yahuwah ɓen ko nokkuure ka Deftere Allah nden janngetee. E ko jannetee ton kon fow ko fii Laamu Allah ngun : ko annabi Iisaa waajotonoo kon. — Luuka 8:1.

Ko nokkeeli ka Allah rewetee. Ko gila ton ko waajetee kon fow fii oo kibaaru moƴƴo fii Laamu Allah ngun fewjetee (Matta 24:14). Fottirɗe Seedeeɓe Yahuwah ɓen fow fotataa yaajugol e labegol, kono ɗe fow hiɗe darniraa no haaniri non. Goɗɗe e majje ƴettay ko ɓuri moftal gootal. E nder ɗii duuɓi feƴƴuɗi, men darni Fottirɗe Seedeeɓe Yahuwah ɓen ko ɓuri guluuji sappo. Sabu ɓeydaare ko woni e waɗude kon ka mofte, meɗen haani darnude Fottirɗe jowi e nder ɲallal. Ko honno ɗun gasirta ? — Matta 19:26.

Hiɗe darniraa dokkal kaalisi ko yimɓe ɓen waɗata kon. Ɗii kaalisiiji naɓete ka yiilirde mojobere kippunde fii waajagol ngol, fii no ɓe darnira maa no ɓe wattira Fottirɗe Seedeeɓe Yahuwah goo.

Ɓee darnayɓe maraa njodi. E leyɗe buy, mojobere fii darnugol Fottirɗe Seedeeɓe Yahuwah ɓen no woodi. Darnooɓe ɓen iway e moftal yaha e moftal goo hay ka ca’oy fii darnugol. E leyɗe goo, annduɓe fii golle ɗen no waɗaa fii aynugol ka Fottirɗe Seedeeɓe Yahuwah ɓen darnetee maa wattetee ton. Ardiiɓe annduɓe fii ɗee golle wallitoto mofte ɗen e woɓɓe kadi waawuɓe golle ɗen tawtete. Fii kala waawuɓe golle ɗen iway nokkeeli goo ɓe ara fii gollugol, ko wonuɓe ka moftal ton ɓen wallitotoo ɓe fii darnugol. Ko sabu Yahuwah e wakkilaare jamaa makko on ɗee golle woni e yaarirde yeeso. — Zabuura 127:1, TMN ; Koloosi 3:23.

• Ko honno men darnirta Fottirɗe Seedeeɓe Yahuwah ɓen ?