TOƁƁERE 02
Deftere Alla nden no okka en tanƴinaare
Yimɓe e nder aduna on no mari ko waɗata ɓe heɓa mettu-ɓernde, ɓe aana e ɓe sonnjoo. Sifa ɗun heɓii on ? No gasa hiɗon sonnjii sabu nawnaare maa sabu mayde goɗɗo mo yiɗuɗon. No gasa hiɗon miijoo : « Ko honnde tuma ngurndan weloyta ? » Deftere Alla nden no mari jaabawol weltinayngol en.
1. Honno Deftere Alla nden okkirta en tanƴinaare ?
Deftere Alla nden haalaali tun fii honɗun aduna on no heewi sonnjaaji. Kono hinde haali kadi fii kibaaru moƴƴo on wonndema neeɓataa Alla itta ɗii sonnjaaji fow. Fodooje Deftere Alla nden ko « fii okkugol on moƴƴere janngo e tanƴinaare » (janngee Yeremiiya 29:11, 12). Ɗee fodooje wallay en jittugol satteendeeji men ɗin hannde, okka en miijooji moƴƴi e heɓen weltaare haa poomaa.
2. Ko honɗun Deftere Alla nden haali fii ko aroyta ?
Deftere Alla nden no haali fii ɲalaande aroyoore nde « mayde waɗitataa, yoometaake, fesetaake, muuseendi waɗitataa » (janngee Feɲɲinannde 21:4). Satteendeeji waɗayɗi yimɓe ronka heɓude tanƴinaare hannde, wano baasal, anngal peewal, nawnaare e mayde waɗitoytaa hannde kadi. Deftere Alla nden no fodi neɗɗanke heɓoyay ngurndan welɗan ka aljanna e hoore ndii leydi haa poomaa.
3. Honno hoolortoɗen ko Deftere Alla nden fodi en kon laatoyto ?
Yimɓe buy no tanƴinii fii piiji moƴƴi yo waɗu, kono ɓe fellitaa tanƴinaare maɓɓe nden laatoto. Ko Deftere Alla nden fodi kon no serti. En waaway hoolaade ko nde wi’i kon si en « task[ike] ɲande woo bindi ɗin » (Kuuɗe sahaabaaɓe ɓen 17:11). Si on janngii Deftere Alla nden, on waaway fewjande hoore mon si on hooloto ko nde wi’i kon fii ko aroyta.
LUGGINEE
Taskee goɗɗi e piiji ɗi Deftere Alla nden fodi ɗin fii ko aroyta. Ndaaree honno tanƴinaare nde Deftere Alla nden okkata neɗɗanke woni e wallirde yimɓe buy hannde.
4. Deftere Alla nden no fodi en wuurugol haa poomaa ɓaawo sonnjaa
Ndaaree lintannde jokkitunde nden fii fodooje wonɗe ka nder Deftere Alla. Ko fodooje honɗe ɓurɗon yiɗude ? Fii honɗun ?
Janngee aayeeje wonɗe takko fodooje ɗen, e jaaboɗon ɗee lanndaale ɗoo :
-
Hiɗon miijii ɗee aayeeje okkay on tanƴinaare ? Hiɗon miijii ɓeynguure mon nden maa yiɓɓe mon ɓen kadi heɓay tanƴinaare e hoore janngugol ɗe ?
Miijee wa si hiɗon wuurude e nder aduna ka
|
HAY GOOTO... |
FOW... |
|---|---|
|
|
|
|
|
|
|
|
|
|
5. Ko Deftere Alla nden fodi kon waaway on wallude
Yimɓe buy no wondi e mettu-ɓernde maa no monii sabu sonnjaaji ɗi ɓe woni e yi’ude. Woɓɓe wakkiloto fota waɗugol piiji fii no moƴƴira. Ndaaree no fodooje Deftere Alla nden fii janngo moƴƴo woni e wallirde yimɓe hannde. Fijinee VIDIO on e yewton fii lanndaale jokkituɗe ɗen.
-
Ka nder vidio, ko njaggu honngu sonnjaynoo Rafikatu ?
-
Fii kala njaggu ngu o yi’unoo ngun accaano, ko honno Deftere Alla nden wallirnoo mo ?
Tanƴinaare nde Deftere Alla nden okkata en fii ko aroyta waaway en wallude no fooliren mettu-ɓernde e no jittiren satteendeeji e nder weltaare. Janngee Tindi 17:22 (VPFJ) e Roomu 12:12 e yewton fii ɗee lanndaale :
-
Hiɗon sikki ko Deftere Alla nden haali kon fii ko aroyta waaway on wallude ? Fii honɗun ?
WOƁƁE GOO NO WI’A : « Ko Deftere Alla nden wi’i kon fii ko aroyta no moƴƴi haa fii wonugol goonga. »
-
Fii honɗun no hitti ka taskoɗon fii mun onon tigi ?
RAWNOODE
Deftere Alla nden no okka en tanƴinaare e walla en no jittiren satteendeeji e hoore fodugol en janngo moƴƴo wonduɗo e weltaare.
Ndartannde
-
Fii honɗun yimɓe ɓen no hatonjini e anndugol fodooje Alla ɗen ?
-
Ko honɗun Deftere Alla nden wi’i fii ko aroyta ?
-
Ko honno heɓugol tanƴinaare fii ko aroyta wallirta on hannde ?
TASKEE
Ɓeydee anndugol honno tanƴinaare waawirta on wallude jittugol satteendeeji.
Ndaaree honno tanƴinaare fii ko aroyta wallirta wonduɓe e nawnaare loorunde.
« Wondugol e nawnaare tiiɗunde : Deftere Alla nden no waawi en wallude ? » (Winndannde ka jw.org)
Si on ndaarii oo vidio gallol, miijee wa si onon e ɓeynguure mon nden no heɓi ngurndan welɗan ɗan Deftere Alla nden fodi fii ko aroyta ka aljanna.
Janngee honno ngurndan daraniiɗo fii huuwondiral waylori ɲannde o janngunoo ka nder Deftere Alla fii tanƴinaare fii ko aroyta.
« Mi accii miijagol wonnde miɗo haani waylugol aduna on » (Suudu Aynirdu ndun, 1 suwiye 2013)
