Koleā e aoga ke fiafia ai le maʼuli fakafamili?
Ki lakotou manatu ko . . .
-
le alofa?
-
le falā?
-
se tasi ake a neʼa?
E PATI I LE TOSI-TAPU
“Manuʼia ake a lātou alā e logo ki le folafola a le Atua ti aga o taupau!”—Luka 11:28.
LONA UIGA KIA KOUTOU
Le maʼua o le alofa māʼoki.—Efeso 5:28, 29.
Le maʼua o le fakaʼapaʼapa māʼoki.—Efeso 5:33.
Le maʼua o le fimālie māʼoki.—Maleko 10:6-9.
E MAFAI KO IA KE TOU TUI KI LE TOSI-TAPU?
E io ti ko ona tupuʼaga e lua:
-
Ko le ʼAtua le Tupuʼaga o le ma’uli fakafamili. E pati feneʼeki i le Tosi-Tapu, “ko famili fuli . . . e lotou maʼua olātou igoa mei” Seova Atua. (Efeso 3:14, 15) Ko lona uiga, ko Seova le tupuʼaga o le maʼuli fakamili. Koleā e māʼuiga ai lenā le manatu lā?
Fakakaukauʼi: kapau na kotou mālie ʼia se neʼa kai mo fia iloa ki neʼa lā na teuteuʼi ai, ko ai loa leia ka kotou vesili ki ai? I lona fakasako, ko ia leia na teuteuʼi ʼia.
O toe fenaʼaki, ke kotou iloa pe koleā leia e aoga ke fiafia ai le maʼuli fakafamili, e tonu loa ke kotou fakalogo kia Seova, le Tupuʼaga o le maʼuli fakafamili.—Senesi 2:18-24.
-
E tokaga le ʼAtua kia koutou. Ko le aga fakapotopoto mo kapau e muliʼi e famili le takitaki a Seova, leia e tou maʼua i lana Folafola. Koleā lona tupuʼaga? “Talie e ko ia totonu e tokaga ki neʼa e ʼaoga kia koutou.” (1 Petelo 5:6, 7) E takimua kia Seova lokotou maʼuli fimālie, tie fua mālie tuʼumaʼu lana tokoi.—Māsau Fakatā 3:5, 6; Isaia 48:17, 18.
TOU FAI LE VESILI LEINEI
E fefeʼaki saku liliu ko se tagata pe ko se fafine āvaga, pe ko se tamana pe ko se tinana e mālie?
E tali le Tosi-Tapu ki lenā le vesili lā ia EFESO 5:1, 2 mo KOLOSE 3:18-21.