“Ko le Atua . . . e solo loa e ia a loʼimata fuli mei olātou mata ti ko le mate e leʼaise toe maʼua loa, e leʼaise toe maʼua loa se temi putu, se kalaga, se mamae talie ko le mālama mago kua puli ʼoki.”​—Apokalipisi 21:3, 4.

Se gaʼoi e aoga mo fakafiafia.​—Isaia 65:21-23.

E leʼaise toe iai loa se masaki.​—Isaia 25:8; 33:24.

Se maʼuli fiafia e leʼegato mo lokotou famili mo kauneʼa.​—Pesalemo 37:11, 29.

E io ti ko ona tupuʼaga e lua:

• E maʼua e le ʼAtua le faigamālie ke fakasoko e ia lana fakapapau. I le Tosi-Tapu, e igoa toka tasi a Seova ʼAtua ko le ʼAtua Mafimafi, talie e leʼese fakakoga lona makeke. (Apokalipisi 15:3) Talie e maʼua e ia le faigamālie ke fakasoko lana fakapapau, leia ko le fetogi o le mālamanei ke mālie ake. Tie pati i le Tosi-Tapu, “ki le Atua ko neʼa fuli e mafai.”​—Mateo 19:26.

• E loto le ʼAtua ke fakasoko e ia lana fakapapau. O sakinake e loto Seova ke fakatuʼuake le kau mate.​—Sopo 14:14, 15.

  E toe fakasā i le Tosi-Tapu na fakamalolo e Sesu, le Alo o le ʼAtua, le kau masaki. Koleā na fai ai e ia a nā neʼa lā? Talie na loto a ia ki ai. (Maleko 1:40, 41) Na fakasā mālielie e Sesu le loto o lona Tamana ke tokoi kia lātou e maʼuli fakaʼaloʼalofa.​—Soane 14:9.

  Koia, e tou tui papau e fia tokoi mai a Seova mo Sesu ke tou maʼua se ka ʼau fiafia.​—Pesalemo 72:12-14; 145:16; 2 Petelo 3:9.