“Ko le Tosi-Tapu kātoa e ʼau mei le ʼAtua.”​—2 Timoteo 3:16, Traduction du monde nouveau.

Se tali ki vesili mauiga o uiga mo le maʼuli.​—Māsau Fakatā 2:1-5.

Se takitaki e tusa mo le fānaki.​—Pesalemo 119:105.

Se amanaki māʼoki ki le ka ʼau.​—Loma 15:4.

E io ti ko ona tupuʼaga e tolu:

• Le anotasi o manatu. Na tosi le Tosi-Tapu e tinofā tagata lolotoga fētuu e 1 600. Tokaʼapi ia lātou na leʼese lotou maʼuli tasi. E toe ano tasi a manatu o le tosi kātoa o tupu e māsau ki le manatu tāfito e tasi.

• Le fakamatala o le isitolia e tusa mo le fānaki. I le agamasani, ki le kau tagata fai isitolia e leʼese lotou māsau ki ni tau alā na leʼese lotou mālo alotou kakai. Kae ko le kau tagata faitosi o le Tosi-Tapu na lotou fakamatala a lotou sala ti mo le kakai.​—2 Sōloga Sau 36:15, 16; Pesalemo 51:1-4.

• Ko māsau fakakikite e tusa mo le fānaki. Na fakakikite i le Tosi-Tapu e maumauʼi le kolo āfea ko Papilone i fetuʼu 200 i mua atu. (Isaia 13:17-22) Na leʼese gato faʼi ki lana fakamatala le anoʼaga o le maumauʼi o Papilone. Kae toe fakasa e ia le igoa o le tagata na osofi ʼia.​—Isaia 45:1-3.

  Na toe lasi a iki a māsau fakakikite i le Tosi-Tapu na fakasoko kātoa fenaʼaki. Kae e leʼese ko le anoʼaga ko ia aia leia e tou amanaki ki ai o uiga mo le Folafola a le ʼAtua?​—2 Petelo 1:21.