Ko Ai Le Pule o Le Mālamanei?
Ki lakotou manatu, ko . . .
-
le ʼAtua?
-
le tagata?
-
Satana?
E PATI I LE TOSI-TAPU
“Ko le Alo o le Atua na sā mai o tupu ke maumauʼi ai a gaʼoi a le tiapolo.”—1 Soane 3:8.
“Ko le mālamanei kātoa e puleʼi e le Veli.”—1 Soane 5:19, Bible en français courant.
LONA UIGA KIA KOUTOU
Le tupuʼaga o malaʼia o mālamanei.—Apokalipisi 12:12.
Le tupuʼaga o le tui māʼoki e fetogi loa le mālamanei ke mālie ake.—1 Soane 2:17.
E MAFAI KO IA KE TOU TUI KI LE TOSI-TAPU?
E io ti ko ona tupuʼaga e tolu:
-
E puliʼi loa le takitaki a Satana. Ku fakatuʼutuʼu e Seova e fakagato e ia le takitaki a Satana i le mālamanei. E fakapapau mai e maumauʼi loa le Tiapolo mo puliʼi kātoa a fua veli o lana takitaki.—Epeleo 2:14, Traduction du monde nouveau.
-
Na filifili e le ʼAtua a Sesu Kilisito ke puleʼi e ia le kele. E kesekese a ia mo le pule agaveli o le malamanei. E fakapapau mai le ʼAtua o uiga mo le takitaki a Sesu: “E alofa a ia ki leia e gaʼegaʼe ti mo leia e mativa . . . E saofaki e ia a lātou mei le pule fakamakeke mo le aga makeke, e māʼuiga olātou toto ki ona muʼa.”—Pesalemo 72:13, 14.
-
E leʼese loi le ʼAtua. E pati tonu mai i le Tosi-Tapu: “E leʼaise mafai ke loi . . . le Atua.” (Epeleo 6:18) Ka fakapapau Seova se neʼa ke fai, e sakinake kua ʼoki i le soko. (Isaia 55:10, 11) “E kapu loa ki fafo . . . le pule o le mālamanei.”—Soane 12:31.
TOU FAI LE VESILI LEINEI
E fefeʼaki loa le mālamanei ka puliʼi lona pule?
E tali le Tosi-Tapu ki lenā le vesili lā ia PESALEMO 37:10, 11 mo APOKALIPISI 21:3, 4.