E gato la ko ia le mamae?
E kotou tali loa . . .
-
e io?
-
leʼai?
-
e masalo faʼi?
E PATI I LE TOSI-TAPU
“Ko le Atua . . . e solo loa e ia a loʼimata fuli mei olātou mata ti ko le mate e leʼaise toe maʼua loa, e leʼaise toe maʼua loa se temi putu, se kalaga, se mamae.” —Apokalipisi 21:3, 4.
LONA UIGA KIA KOUTOU
E leʼese soko a fakasala o tupu ko le ʼAtua.—Saakopo 1:13.
Le fimālie o le loto i latātou iloa le manatu a le ʼAtua o uiga mo tātou mokā tou mamae.—Sakalia 2:8.
Le amanaki leia e fakagato ai loa a mamae.—Pesalemo 37:9-11.
E MAFAI KO IA KE TOU TUI KI LE TOSI-TAPU?
E io ti ko ona tupuʼaga e lua:
-
E vesiʼa le Atua ki le mamae mo le leʼese faitotonu. Kotou fakakaukauʼi muʼa le loto o Seova ʼAtua, i le temi na fai fakaveliveliʼi ai lana kakai i le temi muʼa. E pati i le Tosi-Tapu, na loto mamae o tupu ko “lātou alā na fai fakaveliveliʼi ʼia lātou ti mo fakamamae ʼia lātou.”—Tuʼi Fakamāu 2:18.
E vesiʼa lasi le ʼAtua kia lātou alā na lotou fakamamae ʼia le kakai. O sakinake e pati i le Tosi-Tapu, ko se neʼa fakalialia kiate ia a “lima alā e liligi ʼia le toto o le kakai agatonu.”—Māsau Fakatā 6:16, 17.
-
E tokaga le ʼAtua kia tātou taki toka tasi. E tou tasi iloa “lana agasala na fai mo ona mamae,” kae e toe matala ki ai Seova.—2 Sōloga Sau 6:29, 30.
Ko le Puleʼaga o Seova, kua vave lana aga o fakagato a mamae alā e tau mo le mālamanei. (Mateo 6:9, 10) Kae i le temi nei, e aoga ia a fakaloto fimālieʼi le loto o lātou alā e lātou afa fakamālotoloto ia ia.—Gaʼoi 17:27; 2 Kolinito 1:3, 4.
TOU FAI LE VESILI LEINEI
Koleā e fakataga ai e le ʼAtua le mamae?
E tali le Tosi-Tapu ki lenā le vesili lā ia LOMA 5:12 mo 2 PETELO 3:9.