Nǔ Ðěɖee A Sixu Kplɔ́n Ðò Biblu Mɛ lɛ É
Wema elɔ na d’alɔ we bɔ a na mɔ tan Biblu tɔn e ɖɔ xó dó nǔ lɛ dídá, jiji Jezu Klisu tɔn, kpo wìwá Axɔsuɖuto ɔ tɔn kpo wu é.
Wema-Sɛ́dó-Mɛ Hagbɛ̌ Alixlɛ́mɛtɔ́ ɔ Tɔn
Nɛ̌ è ka sixu zán wema elɔ gbɔn?
NǓKPLƆNKPLƆN 1
Mawu Bló Jinukúnsin kpo Ayikúngban Kpo
Biblu ɖɔ ɖɔ Mawu dá jinukúnsin kpo ayikúngban kpo. A ka tuùn wɛnsagun e é dá cobo wá dá ee kpò lɛ é bǐ kpo nǔ ɖevo lɛ bǐ kpo é à?
NǓKPLƆNKPLƆN 2
Mawu Bló Sunnu Nukɔntɔn ɔ kpo Nyɔnu Nukɔntɔn ɔ Kpo
Mawu dá sunnu nukɔntɔn ɔ kpo nyɔnu nukɔntɔn ɔ kpo bo sɔ́ ye ɖó jikpá Edɛni tɔn mɛ. É jló ɖɔ ye ni bló bonu xwédo ni bɛ́sín finɛ, bo bló bonu ayikúngban ɔ bǐ na nyí palaɖisi ɖé.
NǓKPLƆNKPLƆN 3
Adamu kpo Ɛvu kpo Tlitó nú Mawu
Etɛ ka gbɔn vo ɖò atín e ɖò jikpá Edɛni tɔn mɛ lɛ é ɖokpo mɛ? Etɛwu Ɛvu ka ɖu sínsɛ́n tɔn?
NǓKPLƆNKPLƆN 4
Sín Xomɛsin Jí Jɛ Mɛhuhu Jí
Mawu yí vɔsisa Abɛli tɔn bo ka gbɛ́ Kanyɛ́ɛ tɔn. Hwenu e Kanyɛ́ɛ mɔ mɔ̌ é ɔ, é sìn xomɛ tawun bo dó nǔ baɖabaɖa ɖé sìn.
NǓKPLƆNKPLƆN 5
Tɔjihun Nɔwée Tɔn
Hwenu e wɛnsagun lɛ wá da nyɔnu lɛ ɖò ayikúngban jí é ɔ, ye jì vǐ jiganjigan dakaxotɔ́ lɛ. Adakaxixo kpé fí bǐ. Amɔ̌, Nɔwée gbɔn vo; é yí wǎn nú Mawu bo nɔ setónú n’i.
NǓKPLƆNKPLƆN 6
Mɛ Tantɔn Gán Bo Byɔ Gbɛ̀ Yɔyɔ̌ ɖé Mɛ
Jǐ ja nú kéze 40 zǎn 40. Nɔwée kpo xwédo tɔn bǐ kpo nɔ tɔjihun ɔ mɛ nú xwè ɖokpo jɛji. Ye wá kpéwú bo na tɔ́n lo.
NǓKPLƆNKPLƆN 7
Síngbó Ðaxó Babɛli Tɔn
Mɛ lɛ ɖɔ ɖɔ emi na gbá toxo ɖokpo b’ɛ na yì jǐ kaka bɔ ta tɔn na sɔ́ jinukúnsin. Etɛwu Jehovah ka bló bɔ ye jɛ gbè vovo dó jí ajijimɛ?
NǓKPLƆNKPLƆN 8
Ablaxamu kpo Sala kpo Setónú nú Mawu
Etɛwu Ablaxamu kpo Sala kpo ka jó gbɛ̀ e ye nɔ zán ɖò toxo yetɔn mɛ é dó bo huzu gbějínɔtɔ́ ɖò Kanáa?
NǓKPLƆNKPLƆN 9
Ye Wá Jì Vǐ Sunnu ɖé Lo!
Nɛ̌ Jehovah ka na ɖè akpá e é dó nú Ablaxamu é gbɔn? Vǐ sunnu Ablaxamu tɔn ɖětɛ jí é ka na ɖè gbɔn? Isimayɛli wɛ à, alǒ Izaki?
NǓKPLƆNKPLƆN 10
Flín Asì Lɔti Tɔn
Mawu bló bɔ myɔ kpo hwemí kpo ja kɔn nyì Sodɔmu kpo Gomɔ́ɔ kpo jí. Etɛwu è ka sú kún dó nú toxo enɛ lɛ? Etɛwu mǐ ka ɖó na flín asì Lɔti tɔn?
NǓKPLƆNKPLƆN 11
Nùɖiɖi Sín Mɛtɛnkpɔn Ðé
Mawu ɖɔ nú Ablaxamu ɖɔ: ‘Kɛnklɛn, sɔ́ vǐɖokponɔ towe Izaki dó savɔ̌ nú mì ɖò só ɖé jí ɖò Mɔliya.’ Nɛ̌ Ablaxamu kpo Izaki kpo ka na ɖu ɖò nùɖiɖi sín mɛtɛnkpɔn enɛ jí gbɔn?
NǓKPLƆNKPLƆN 12
Jakɔbu Yí Gǔ Ɔ
Izaki kpo Hlebeka kpo jì hoxo sunnu wè bɔ ye nɔ nyí Esawu kpo Jakɔbu kpo. Ðó Esawu wɛ è jì jɛ nukɔn wu ɔ, é ɖó acɛ nú gǔ bunɔ ɖé. Etɛwu é ka jó dó ɖó ayikún-núsúnnú ká ɖokpo wu?
NǓKPLƆNKPLƆN 13
Jakɔbu kpo Esawu kpo Dóhwɛ Gbɔ
Nɛ̌ Jakɔbu ka wà gbɔn bɔ wɛnsagun ɖé dó n’i? Nɛ̌ é ka dóhwɛ gbɔ xá Esawu gbɔn?
NǓKPLƆNKPLƆN 14
Kannumɔ E Nɔ Setónú nú Mawu É Ðé
Jozɛfu nɔ wà nǔ jlɔjlɔ, é ɖò mɔ̌ có, é mɔ wuvɛ̌ tawun. Etɛwu?
NǓKPLƆNKPLƆN 15
Jehovah Wɔn Jozɛfu Gbeɖé Ǎ
Jozɛfu lín dó xwédo tɔn tawun có, Jehovah ka xlɛ́ ɖɔ emi ɖò kpɔ́ xá ɛ.
NǓKPLƆNKPLƆN 17
Mɔyizi Ðɔ Ðɔ Emi Na Sɛ̀n Jehovah
Hwenu e Mɔyizi nyí vǐ yɛyɛ̌ ɖé é ɔ, nɔ tɔn ba wlɛnwín e nùnywɛ kpé é ɖé dó hwlɛn ɛ gán.
NǓKPLƆNKPLƆN 19
Awě Atɔn Nukɔntɔn Lɛ
Falawɔ́ɔn zɔ́n bɔ awě xò togun tɔn ɖó é ɖò go yí wɛ kaka bo gbɛ́ ɖɔ emi kún na wà nǔ e wiwa tɔn ma vɛwǔ ǎ é ɖé ó.
NǓKPLƆNKPLƆN 22
Nùjiwǔ ɖé Ðò Xù Vɔvɔ ɔ Tó
Falawɔ́ɔn gán ɖò awě wǒ lɛ mɛ, amɔ̌, é ka gán ɖò nùjiwǔ Mawu tɔn enɛ mɛ à?
NǓKPLƆNKPLƆN 23
Akpá ɖé nú Jehovah
Izlayɛli-ví lɛ dó akpá bunɔ ɖé nú Jehovah hwenu e ye ɖó gɔnu ɖó Sinayíi Só ɔ kɔn é.
NǓKPLƆNKPLƆN 24
Ye Ðè Akpá E Ye Dó É Ǎ
Hwenu e Mɔyizi ɖò Sɛ́n Wǒ Lɛ yí wɛ é ɔ, togun ɔ, hu hwɛ syɛnsyɛn ɖé.
NǓKPLƆNKPLƆN 26
Amɛ̌ Wěwe Lɛ
Jozuwée kpo Kalɛbu kpo gbɔn vo nú sunnu wǒ ɖevo ɖěɖee yì ba dò nú Kanáa Yikúngban ɔ lɛ é.
NǓKPLƆNKPLƆN 27
Ye Fɔ́n Gǔ Dó Jehovah Jí
Nugbǒ taji ɖokpo tíìn bɔ Kolée, Datani, Abilamu kpo mɛ 250 ɖevo lɛ kpo tuùn dó Jehovah wu ǎ.
NǓKPLƆNKPLƆN 30
Hlaxabu Hwla Amɛ̌ Lɛ
Dǒ Jeliko tɔn lɛ mu. Amɔ̌, xwé Hlaxabu tɔn kpò ɖò te có dǒ ɖevo jí wɛ è ka mɛ̀ ɖó.
NǓKPLƆNKPLƆN 31
Jozuwée kpo Gabawɔ́ɔnnu lɛ Kpo
Jozuwée xoɖɛ sɛ́dó Mawu ɖɔ: ‘Hwe, nɔte xwii!’ Mawu ka sè ɖɛ tɔn à?
NǓKPLƆNKPLƆN 32
Gǎn Yɔyɔ̌ ɖé kpo Nyɔnu Akɔnkpantɔ́ Wè Kpo
Ee Jozuwée kú gudo é ɔ, Izlayɛli-ví lɛ jɛ vodun sɛ̀n jí. Gbɛ̀ wá vɛwǔ nú ye, amɔ̌, Hwɛɖɔtɔ́ Balaaki, nyɔnu gbeyiɖɔ Debola kpo Yaɛli kpo d’alɔ ye. Só goxɔ tɔn tɔn lɛ ɖokpo wɛ Yaɛli zán!
NǓKPLƆNKPLƆN 33
Hwliti kpo Nɔemíi Kpo
Asúkúsi wè lɛkɔ yì Izlayɛli. Asúkúsi lɛ ɖokpo yì w’azɔ̌ ɖò gle mɛ, bɔ Bowozi ɖó ayi wǔ tɔn ɖò finɛ.
NǓKPLƆNKPLƆN 34
Jedenyɔ́ɔ Ðu Ðò Madiáani-Ví lɛ Jí
Ee Madiáani-ví lɛ hɛn gbɛ̀ vɛwǔ nú Izlayɛli-ví lɛ gudo é ɔ, ye savo nú Jehovah ɖɔ é ni d’alɔ emi. Nɛ̌ ahwangɔnu Jedenyɔ́ɔ tɔn e ma d’agba ǎ é ka ɖu ɖò ahwanfuntɔ́ 135 000 jí gbɔn?
NǓKPLƆNKPLƆN 35
Ana Xoɖɛ Bo Byɔ Vǐ Sunnu Ðokpo
Ɛlukana kplá Ana, Penina kpo xwédo ɔ kpo, bɔ ye yì Mawu sɛ̀n gbé ɖò Goxɔ ɔ mɛ ɖò Silóo. Ana xoɖɛ bo byɔ vǐ sunnu ɖokpo ɖò finɛ. Xwè ɖokpo gudo ɔ, é jì Samuwɛli!
NǓKPLƆNKPLƆN 36
Akpá Jɛfutée Tɔn
Akpá tɛ Jɛfutée ka dó? Etɛwu? Nɛ̌ vǐ nyɔnu tɔn ka wà nǔ gbɔn dó akpá tɔ́ tɔn tɔn wu?
NǓKPLƆNKPLƆN 37
Jehovah Ðɔ Xó nú Samuwɛli
Vɔsanúxwlémawutɔ́ ɖaxó Eli sín vǐ sunnu wè lɛ nɔ wà vɔsanúxwlémawutɔ́zɔ́ ɖò Goxɔ ɔ mɛ, amɔ̌, ye nɔ setónú nú sɛ́n Mawu tɔn lɛ ǎ. Samuwɛli ɖò vǔ cobo ka gbɔn vo, bɔ Jehovah ɖɔ xó n’i.
NǓKPLƆNKPLƆN 38
Jehovah Bló Bɔ Sanmusɔ́ɔn Ðó Hlɔnhlɔn
Mawu bló bɔ Sanmusɔ́ɔn ɖó hlɔnhlɔn, bonu é na fun ahwan xá Filisitɛ́ɛn lɛ, amɔ̌, ee Sanmusɔ́ɔn ma kpɔ́n asì bo da ǎ é ɔ, Filisitɛ́ɛn lɛ wlí i
NǓKPLƆNKPLƆN 39
Izlayɛli Xɔsu Nukɔntɔn Ɔ
Mawu na hwɛɖɔtɔ́ lɛ Izlayɛli-ví lɛ bonu ye na nɔ nukɔn nú ye, amɔ̌, ye byɔ axɔsu ɖé. Samuwɛli kɔn ami dó ta nú Sawulu b’ɛ nyí axɔsu nukɔntɔn ɔ, amɔ̌, nukɔnmɛ ɔ, Jehovah gbɛ́ Sawulu. Etɛwu?
NǓKPLƆNKPLƆN 40
Davidi kpo Goliyati Kpo
Jehovah sɔ́ Davidi bonu é na nyí axɔsu wegɔ Izlayɛli tɔn, bɔ Davidi xlɛ́ nǔ e wu sɔ́ e Jehovah sɔ́ ɛ é ma nyí nǔ bonu é wà nyì dò ǎ é.
NǓKPLƆNKPLƆN 41
Davidi kpo Sawulu Kpo
Etɛwu dawe wè enɛ lɛ ɖokpo ka gbɛ́ wǎn nú mɛ wegɔ ɔ? Nɛ̌ mɛ e è gbɛ́ wǎn na é ka wà nǔ gbɔn?
NǓKPLƆNKPLƆN 42
Jonatáan Nyí Akɔnkpantɔ́ kpo Gbejinɔtɔ́ Kpo
Axɔsu ɔ sín vǐ sunnu wá huzu xɔ́ntɔn ɖagbe ɖé nú Davidi.
NǓKPLƆNKPLƆN 49
È Dɔn Tó nú Axɔsi Nyanya Ðé
Jezabɛli kàn ayixa bo na hu Izlayɛli-ví e nɔ nyí Nabɔti é, bo na dó sixu xò viwungle tɔn yí! Jehovah Mawu ka ɖ’ayi nǔnyanyawiwa tɔn kpo nǔagɔwiwa tɔn kpo wu ganji.
NǓKPLƆNKPLƆN 50
Jehovah Jɛhun Dó Jozafati Jí
Hwenu e akɔta kɛntɔ́ lɛ tɔn lɛ ɖò adǎn gblɔ́n nú Judáa wɛ é ɔ, Axɔsu Jozafati xoɖɛ bo ba alɔdo Mawu tɔn.
NǓKPLƆNKPLƆN 51
Ahwangán ɖé kpo Nyɔnuví ɔ Kpo
Nyɔnuví Izlayɛlinu ɖé ɖɔ xó nú gǎn tɔn dó hlɔnhlɔn ɖaxó e Jehovah ɖó é wu, bɔ nùjiwǔ ɖé jɛ.
NǓKPLƆNKPLƆN 52
Ahwangɔnu Myɔnɔ Jehovah Tɔn
Lee mɛsɛntɔ́ Elizée tɔn wá mɔ ɖɔ ‘mɛ e ɖò kpɔ́ xá yedɛɛ lɛ é sukpɔ́ hú mɛ e ɖò kpɔ́ xá mɛ ɖě lɛ é’ gbɔn é.
NǓKPLƆNKPLƆN 53
Akɔnkpinkpan Yexoyada Tɔn
Vɔsanúxwlémawutɔ́ gbejinɔtɔ́ ɖé huzu kpannukɔn axɔsi nyanya ɖé.
NǓKPLƆNKPLƆN 54
Jehovah Ðó Suúlu Dó Jonasi Wu
Nɛ̌ nǔ ka nyí gbɔn bɔ hweví ɖaxó ɖé wá mì gbeyiɖɔ Mawu tɔn lɛ ɖokpo? Nɛ̌ é ka wá gán ɖ’emɛ gbɔn? Nǔ tɛ Jehovah ka kplɔ́n ɛ?
NǓKPLƆNKPLƆN 55
Wɛnsagun Jehovah Tɔn Nya Xɛ Ðò Ezekiyasi Jí
Kɛntɔ́ Judáa tɔn lɛ ɖɔ ɖɔ Jehovah kún na cyɔn alɔ togun tɔn jí ó, amɔ̌, ye blɛ́ yeɖée!
NǓKPLƆNKPLƆN 56
Joziyasi Yí Wǎn nú Sɛ́n Mawu Tɔn
Joziyasi huzu axɔsu hwenu e é ɖó xwè tantɔn é, bo d’alɔ togun tɔn b’ɛ sɛ̀n Jehovah.
NǓKPLƆNKPLƆN 57
Jehovah Sɛ́ Jelemíi Dó Mawuxó Jla Gbé
Nǔ e gbeyiɖɔ dɔnkpɛvu enɛ ɖɔ é dó xomɛsin nú tomɛxo lɛ.
NǓKPLƆNKPLƆN 58
È Sú Jeluzalɛmu Sín Kún Dó
Togun Judáa tɔn kpó ɖò vodun lɛ sɛ̀n wɛ, enɛ wu ɔ, Jehovah jó ye dó.
NǓKPLƆNKPLƆN 59
Nyaví Ɛnɛ E Setónú nú Jehovah lɛ É
Dɔnkpɛvu Judáanu lɛ kanɖeji bo na nɔ gbeji nú Jehovah, é na bo tlɛ nyí ɖò hɔnmɛ Babilɔnu tɔn ɔ nɛ.
NǓKPLƆNKPLƆN 60
Axɔsuɖuto E Na Nɔ Ayǐ Kaka Sɔyi É Ðé
Daniyɛli tinmɛ dlɔ̌ budo e Nabukodonɔzɔ́ɔ kú é.
NǓKPLƆNKPLƆN 61
Ye Ðèkɔ́ Ǎ
Cadlaki, Mɛcaki kpo Abɛdi-Nɛgo kpo gbɛ́ ɖɔ emi kún na sɛ̀n bocyɔ e axɔsu Babilɔnu tɔn sɔ́ siká dó bló é ó.
NǓKPLƆNKPLƆN 62
Axɔsuɖuto ɖé Cí Atín Ðaxó ɖé Ðɔhun
Dlɔ̌ Nabukodonɔzɔ́ɔ tɔn xlɛ́ nǔ e na jɛ dó sɔgudo éɖesunɔ tɔn wu é.
NǓKPLƆNKPLƆN 63
Nùwlanwlan E Tɔ́n Ðò Dǒ Wu É
Hwetɛnu nùwlanwlan budo elɔ lɛ ka tɔ́n? Etɛ ka nyí tinmɛ yetɔn?
NǓKPLƆNKPLƆN 64
Daniyɛli Ðò Kinnikinni lɛ Sín Dò Mɛ
Nɔ xoɖɛ sɛ́dó Jehovah gbè bǐ gbè Daniyɛli ɖɔhun!
NǓKPLƆNKPLƆN 65
Ɛsitɛ́ɛ Hwlɛn Togun Tɔn
Ɛsitɛ́ɛ nyí toɖevomɛnu có, éyɛ mɛ e nyí tɔ́cyɔvǐ é wá huzu axɔsi.
NǓKPLƆNKPLƆN 66
Ɛsidlasi Kplɔ́n Sɛ́n Mawu Tɔn Mɛ
Ee Izlayɛli-ví lɛ ɖótó Ɛsidlasi gudo é ɔ, ye dó akpá bunɔ ɖé nú Mawu.
NǓKPLƆNKPLƆN 67
Dǒ Jeluzalɛmu Tɔn Lɛ
Nɛɛmíi sè ɖɔ kɛntɔ́ emitɔn lɛ ɖò nǔ sɔ́ wɛ bo na wá fun ahwan xá emi. Etɛwu é ma ka ɖi xɛsi ǎ?
NǓKPLƆNKPLƆN 68
Elizabɛti Jì Vǐ Ðokpo
Etɛwu Elizabɛti sín asú ka ɖɔ ɖɔ emi kún na sixu ɖɔ xó ó kaka jɛ hwenu e è na jì vǐ ɔ é?
NǓKPLƆNKPLƆN 72
Jezu Sín Winnyawinnya Mɛ
Nɛ̌ é ka wà nǔ gbɛn b’ɛ jiwǔ nú nùkplɔnmɛtɔ́ lɛ ɖò tɛmpli ɔ mɛ?
NǓKPLƆNKPLƆN 73
Jaan Bló Ali ɔ Ðó
Jaan sù bo huzu gbeyiɖɔ ɖé. É nɔ kplɔ́n mɛ ɖɔ Mɛsiya ɔ ko jawě. Nɛ̌ mɛ lɛ ka nɔ wà nǔ gbɔn dó wɛn tɔn wu?
NǓKPLƆNKPLƆN 75
Awovi Tɛ́n Jezu Kpɔ́n
Awovi tɛ́n Jezu kpɔ́n azɔn atɔn. Mɛtɛnkpɔn atɔn tɛ lɛ ka wɛ? Nɛ̌ Jezu ka wà nǔ gbɔn?
NǓKPLƆNKPLƆN 76
Jezu Nya Nǔsatɔ́ lɛ Sín Tɛmpli ɔ Mɛ
Etɛwu Jezu ka nya kanlin lɛ tɔ́n sín tɛmpli ɔ mɛ, bo flí akwɛɖyɔtɔ́ lɛ sín tavo lɛ xwè?
NǓKPLƆNKPLƆN 77
Nyɔnu E Ðò Sɛ́tɔ̀ Kɔn É
É kpaca nyɔnu Samalíinu ɖé ɖɔ Jezu ɖɔ xó n’i. Etɛwu? Etɛ Jezu ka ɖɔ n’i, bo ma ko ɖɔ nú mɛ ɖevo ɖebǔ ǎ?
NǓKPLƆNKPLƆN 78
Jezu Jla Wɛn Axɔsuɖuto ɔ Tɔn
Jezu ylɔ ahwanvu tɔn ɖé lɛ, bonu ye na nɔ dɔn gbɛtɔ́ lɛ lee ye nɔ wlí hweví gbɔn é. Nukɔnmɛ ɔ, é kplɔ́n azɔ̌ ahwanvu tɔn 70 bonu ye na jla wɛnɖagbe ɖé.
NǓKPLƆNKPLƆN 79
Jezu Bló Nùjiwǔ Gègě
É yì fí ɖebǔ ɔ, mɛ e ɖò azɔn jɛ wɛ lɛ é nɔ wá byɔ ɛ ɖɔ é ni d’alɔ emi bɔ é nɔ gbɔ azɔn nú ye bǐ. É tlɛ fɔ́n ɖyɔvivu ɖé wá gbɛ̀.
NǓKPLƆNKPLƆN 82
Jezu Kplɔ́n Lee È Na Xoɖɛ Gbɔn É Ahwanvu Tɔn Lɛ
Nǔ ɖětɛ é ka ɖɔ nú ahwanvu tɔn lɛ ɖɔ ye ni nɔ ɖò byɔbyɔ wɛ?
NǓKPLƆNKPLƆN 83
Jezu Na Nùɖuɖu Gbɛtɔ́ Afatɔ́n Mɔkpan
Etɛ nùjiwǔ enɛ ka kplɔ́n mǐ dó Jezu kpo Jehovah kpo wu?
NǓKPLƆNKPLƆN 84
Jezu Ði Zɔnlin Gbɔn Tɔ̀ Jí
A sixu dó nukún mɛ, bo kpɔ́n lee nǔ na ko cí nú mɛsɛ́dó lɛ hwenu e ye mɔ nùjiwǔ enɛ é à?
NǓKPLƆNKPLƆN 85
Jezu Gbɔ Azɔn nú Mɛ Ðò Gbɔjɛzángbe
Etɛwu nǔ e Jezu nɔ bló lɛ é ma ka nɔ víví nú mɛɖebǔ ǎ?
NǓKPLƆNKPLƆN 86
Jezu Fɔ́n Lazáa Sín Kú
Hwenu e Jezu mɔ Mali bɔ é ɖò avǐ ya wɛ é ɔ, é lɔmɔ̌ jɛ avǐ ya jí. Amɔ̌, é sɔ́ lín ǎ bɔ avǐ e ya wɛ ye ɖè é huzu nǔkiko.
NǓKPLƆNKPLƆN 87
Gbadanu Nùɖuɖu Jezu Tɔn Gudo Tɔn Ɔ
Jezu na alixlɛ́mɛ titewungbe ɖé lɛ mɛsɛ́dó tɔn lɛ hwenu e é ɖò nùɖuɖu gudogudo tɔn ɔ ɖu xá ye wɛ é.
NǓKPLƆNKPLƆN 88
È Wlí Jezu
Judasi Isikaliɔti kplá ahwan wɔbuwɔbu e hɛn hwǐ kpo kpò kpo lɛ é wá, bonu ye na wlí Jezu.
NǓKPLƆNKPLƆN 89
Piyɛ́ɛ Gbɛ́ Jezu
Etɛ ka jɛ ɖò Kayifu sín xwé sín kɔxota? Etɛ ka jɛ dó Jezu wu ɖò xɔ ɔ mɛ?
NǓKPLƆNKPLƆN 93
Jezu Lɛkɔ Yì Jixwé
Cobɔ é na yì jixwé ɔ, é na alixlɛ́mɛ taji tawun ɖé lɛ ahwanvu tɔn lɛ.
NǓKPLƆNKPLƆN 95
Nǔ Ðebǔ Sixu Ðó Ye Te Ǎ
Sinsɛngán e hu Jezu lɛ é ɖò tintɛnkpɔn wɛ dìn bo na xwè ahwanvu tɔn lɛ sín nu dó xɔ. Amɔ̌, é sixu kpa ye ǎ.
NǓKPLƆNKPLƆN 96
Jezu Sɔ́ Solu
Solu nyí kɛntɔ́ Klisanwun lɛ tɔn tawun ɖ’ayǐ, amɔ̌, é ko ɖò na huzu wɛ.
NǓKPLƆNKPLƆN 97
Kɔnɛyi Mɔ Gbigbɔ Mímɛ́ Yí
Etɛwu Mawu ka sɛ́ Piyɛ́ɛ dó nya enɛ e ma nyí Jwifu ǎ é sín xwégbe?
NǓKPLƆNKPLƆN 98
Sinsɛn Klisanwun Tɔn Gbakpé Akɔta Gègě Mɛ
Mɛsɛ́dó Pɔlu kpo hagbɛ̌ tɔn e nɔ yì tomɛ xá ɛ lɛ é kpo bɛ́ wɛnɖagbejijlazɔ́ ɔ ɖò fí e lín tawun lɛ é.
NǓKPLƆNKPLƆN 99
Gantɔ́cɔ́tɔ́ ɖé Mɔ Nugbǒ Ɔ
Nɛ̌ yɛ nyanya ɖé, ayikúngban danwǔ ɖé kpo hwǐ ɖé kpo bǐ ka ɖ’alɔ ɖò tan elɔ mɛ gbɔn?
NǓKPLƆNKPLƆN 100
Pɔlu kpo Timɔtée Kpo
Dawe wè lɛ w’azɔ̌ ɖó kpɔ́ xɔ́ntɔn xɔ́ntɔn kpo mɛsɛntɔ́ hàtɔ́ kpo ɖɔhun nú xwè gègě.
NǓKPLƆNKPLƆN 101
È Sɛ́ Pɔlu Dó Hlɔma
Awovinú gègě kpé è ɖò tomɛyiyi ɔ hwenu, amɔ̌, wuvɛ̌ ɖebǔ sixu dɔn mɛsɛ́dó enɛ dó gudo ǎ.
NǓKPLƆNKPLƆN 103
“Axɔsuɖuɖu Towe Ni Wá”
Nǔɖexlɛ́mɛ Jaan tɔn xlɛ́ lee Axɔsuɖuto Mawu tɔn na huzu nǔ lɛ ɖò ayikúngban jí gbɔn é.
