Sín 1953 ɔ, è jɛ nɔví sunnu winnyawinnya e ɖò Corée lɛ é wlí dó ganmɛ jí, ɖó ye gbɛ́ ɖɔ emi kún na wà ahwanzɔ́ ó wutu. È xò táan e nɔví 19 000 jɛji lɛ sɛn gan na, ɖó ye ba na sà nǔɖiɖi yetɔn ǎ wutu é kplé ɔ, é yì xwè 36 000. Amɔ̌, ɖò 28 février 2019 ɔ, è ɖè nɔví mǐtɔn gudo tɔn e kpó ɖò ganmɛ lɛ é nyite. Nɛ̌ nǔ ka wá nyí mɔ̌ gbɔn? Mǐ ni kpɔ́n lee nɔví mǐtɔn Corée tɔn lɛ ɖè nǔɖiɖi e ma sɛ̀ dò ǎ é kpo akɔ́nkpinkpan kpo xlɛ́ gbɔn é ganji.