Vit telja bara tey við, sum boða um Guds ríki hvønn mánað. (Matteus 24:14) Tað fevnir bæði um doypt Jehova vitni og tey, sum eru góðkend at taka lut í boðanararbeiðinum, sjálvt um tey ikki eru doypt enn.

 Nei. Pengar hava ongan týdning fyri, um fólk verða tald við sum Jehova vitni ella fáa serligar uppgávur og framíhjárættindi í okkara samskipan. (Ápostlasøgan 8:18-20) Tey, sum lata stuðul, eru sum oftast ónavngivin. Eftir førimuni stuðla øll Jehova vitni sjálvboðin okkara heimsumfatandi arbeiði bæði við tíð, orku og ognum. – 2. Korintbræv 9:7.

 Hvønn mánað boða Jehova vitni síni egnu samkomu frá, hvat tey hava avrikað í boðanini. Tað gera tey sjálvboðin.

 Fráboðanirnar verða taldar upp, og tølini send deildarskrivstovuni í økinum. Deildarskrivstovan sendir síðani høvuðsskrivstovuni samanløgdu tølini fyri hvørt land ella øki.

 Tá ið tænastuárið a endar, sæst, hvat størsta talið á Jehova vitnum er í hvørjum landi sær. Leggja vit hesi tølini saman, fáa vit at vita, hvussu nógv Jehova vitni eru í øllum heiminum. Fráboðanir úr hvørjum einstøkum landi eru at síggja undir „Kring heimin“ á okkara heimasíðu. Hesar fráboðanirnar gleða okkum, á sama hátt sum líknandi fráboðanir gleddu tey fyrstu kristnu. – Ápostlasøgan 2:41; 4:4; 15:3.

 Nei, vit telja tey ikki við sum Jehova vitni, men gleðast kortini um, at tey ganga á møti hjá okkum. Tey flestu av teimum eru við á árligu høgtíðini til minni um deyða Jesusar, og tað ber til at fáa eina hóming av, hvussu nógv tey eru, um vit samanbera talið á øllum, sum koma á hetta serliga møtið, við talið á Jehova vitnum. Í 2023 vóru til samans 20.461.767 við á høgtíðini.

 Nógv, sum ikki ganga á møti hjá okkum, kanna Bíbliuna saman við okkum. Í 2023 høvdu vit hvønn mánað 7.281.212 bíbliuskeið, og á summum skeiðum vóru fleiri luttakarar.

 Hagtølini hjá myndugleikunum eru ofta grundað á tað, sum fólk siga, tá ið tey verða spurd, hvønn trúarbólk tey hoyra til. Til dømis sigur ein hagstova í USA, at tey í síni kanning „royndu at finna út av, um tey spurdu mettu seg sjálv at hoyra til ein trúarbólk“, og tey leggja aftrat, at tey endaligu tølini eru grundað á „persónligar áskoðanir heldur enn á veruleikan“. Men sjálv telja vit bert tey við, sum boða gleðiboðskapin og boða samkomuni frá, hvat tey hava avrikað. Vit telja ikki tey við, sum bara siga seg vera Jehova vitni.