Ni o dua na iVakadinadina i Jiova, o sa vakadonuya me vakayagataka na kemu itukutuku na isoqosoqo ni iVakadinadina i Jiova e vuravura raraba. E okati kina na ivavakoso ni iVakadinadina i Jiova ena vanua o tiko kina, kena valenivolavola ni tabana, se so tale na tabana e qarava na iVakadinadina i Jiova. Ena vakayagataki na itukutuku qori ena veika e vauca na ka vakalotu. Mo solia na kemu itukutuku me salavata kei na idusidusi ena ivola iSoqosoqo e Cakava na Loma i Jiova, me rawa ni o vakaitavi ena cakacaka vakalotu e vauca nomu sokalou, mo vukei tale ga vakayalo.—1 Pita 5:2.

Ena rairai vinakati eso tale na itukutuku mo solia ina isoqosoqo qo, ni o vakaitavi ena so tale na ka ni lotu. Na itukutuku qori e okati kina na yacamu, tikinisiga o sucu kina, tagane se yalewa, tikinisiga o papitaiso kina, veika me baleta na vanua o tiko kina, se sala me vakasavui yani kina na itukutuku vakayalo—na cakacaka vakaitalatala, se so tale na itavi e qarava na isoqosoqo ni iVakadinadina i Jiova. Okati tale ga ena itukutuku qori nomu vakabauta vakalotu, kei na so tale na itukutuku ena rairai vica ga era kila tiko. Na kemu itukutuku kece ena rairai kumuni vata, volaitukutukutaki, tuvai vinaka, qai maroroi, wili kina eso tale na ka e caka ena kena maroroi na kemu itukutuku.

Na Lawa me Baleta na Kemu iTukutuku (The Data Protection Law) ni matanitu qo na:

General Data Protection Regulation (EU) 2016/679.

Ena vuku ni Lawa qori, o sa vakadonuya me vakayagataka na isoqosoqo qo na kemu itukutuku ena veika e vauca nomuni sokalou. Qori e okati kina:

• nomu vakaitavi ena soqoni ni iVakadinadina i Jiova ena vanua o tiko kina, se o bolecakacaka ena itavi se dua na sasaga,

• nomu vakaitavi ena soqoni, soqo ni tabacakacaka, se soqo ni veiwasewase e katoni se saravi, mo vakavulici kina vakayalo na iVakadinadina i Jiova e vuravura raraba,

• nomu vakaitavi ena ilesilesi se itavi cava ga o vakacolati kina ena ivavakoso, e okati kina na yacadra na dautukutuku kei na itavi ena kabi ena papa ni tukutuku ena Vale ni Soqoni ni iVakadinadina i Jiova,

• maroroi na ivolatukutuku ni Congregation’s Publisher Record,

• nodra veivakatawani kei na nodra veitokoni na qase iVakadinadina i Jiova (Cakacaka 20:28; Jemesa 5:14, 15),

• na kena volai nomu naba ni talevoni me rawa ni oni qiriti ni yaco na leqa tubukoso.

E sega ni dua na gauna yalataki me baleta na balavu ni kena maroroi na kemu itukutuku. E bibi ga me salavata kei na veika sa tukuni mai cake, se dua tale na vuna e yavutaki vakalawa. Ke o sega ni vakadonuya mo sainitaka na Notice and Consent for Use of Personal Data. Qori ena vakadredretaka me vakatulewataka na isoqosoqo ni iVakadinadina i Jiova ke ganiti iko e dua na itavi ena ivavakoso se sega, vaka kina nomu vakadonui mo vakaitavi ena dua na cakacaka vakalotu.

Ke vinakati qai veiganiti, e rawa ni vakau na kemu itukutuku ina dua na isoqosoqo ni iVakadinadina i Jiova. Eso na isoqosoqo ni iVakadinadina i Jiova era tiko ena vanua ena rairai duidui na sala e taqomaki kina na kena itukutuku e dua. Ena sega ni tautauvata kei na vanua e vakau taumada yani kina. Ia o ira kece era kila na kemuni itukutuku, okati kina na itikotiko liu ni iVakadinadina i Jiova e Merika, era na vakayagataka na kemuni itukutuku me salavata kei na veika e vauci ena iDusidusi ni iVakadinadina i Jiova.

E tu vei iko na dodonu mo raica, bokoca, se vakatabuya mada ga me biu na kemu itukutuku. Rawa tale ga ni o vakadodonutaka na kemu itukutuku. E vakatau sara ga vei iko ke o via vakadaroya me vakayagataki na kemu itukutuku. Ke o cakava qori, se rawa tiko ga ni vakayagataka na isoqosoqo qo eso na kemu itukutuku. Qori me vukea ga na kena maroroi qai vakatulewataki na veika me baleti ira na iVakadinadina i Jiova e vuravura raraba, se dua tale na yavu vakalawa e laurai ena Data Protection Law. E tiko tale ga vei iko na dodonu mo vakaraitaka na ka o sega ni taleitaka vei ira na maroroya tiko na kemuni itukutuku (data protection supervisory authority) ena vanua era tiko kina.

Levu na iwalewale era vakayagataka na iVakadinadina i Jiova me taqomaki kina na kemuni itukutuku, e yavutaki tiko ena Data Protection. Mo nanuma tiko ni le vica wale sara era rawa ni raica na kemu itukutuku, qori o ira ga na vakadonui mera qarava na veika sa vakamacalataki mai cake.

Ke dua na vakatataro me baleta na kemu itukutuku e rawa ni vakau ena imeli qo:

DataProtectionOfficer.NL@jw.org.

Mo kila tale ga na veika me baleti ira na maroroya se taqomaka na kemu itukutuku ena vanua o tiko kina. Ke veiganiti, rawa ni o rai ena jw.org ena Data Protection Contacts.

Eso na gauna, ena rairai veisau na kena kumuni na itukutuku. Ena vakatau qori ena veiveisau ni noda cakacaka vakalotu, lawa se na iyaya vovou. Ke mani vinakati me veisautaki na itukutuku ena tabana qo, Vakayagataki na Kemu iTukutuku, ena qai biu tale yani mo kila na itukutuku e kumuni, kei na sala e vakayagataki kina. Yalovinaka qai rai tiko ga ena tabana qo, mo raica kina na veiveisau e vakayacori.