Wilika na Taniela 9:​1-19 mo kila na bibi ni vuli vakatitobu.

Dikeva na tikina wavolita. Na cava se qai yaco oti ga, e yaga vakacava vei Taniela? (Tani. 5:29–6:5) Ke o iko o Taniela, ena vakacava na nomu rai?

Vakekeli vakatitobu. Na “ivolatabu” cava a rairai wilika o Taniela? (Tani. 9:​2, vmr.; w11 1/1 22 ¶2) Na cava e vakatusa kina o Taniela na nona ivalavala ca kei na nodra ivalavala ca na Isireli? (Vunau 26:​39-42; 1 Tui 8:​46-50; dp 182-184) E laurai vakacava ena masu i Taniela ni gonevuli gugumatua ni Vosa ni Kalou?​—Tani. 9:​11-13.

Vakasamataka na ka o vulica. Mo taroga:

• ‘Au na qarauna vakacava me kua ni vakawelei au na veika e yaco tu e vuravura?’ (Maika 7:7)

• ‘Ena yaga vakacava vei au niu vulica vagumatua na Vosa ni Kalou me vakataki Taniela?’ (w04 1/8 12¶17)

• ‘Na ulutaga cava au na vulica vakataki au meu “yadra tiko” kina?’ (Maciu 24:​42, 44; w12 15/8 5 ¶7-8)