Aisea 35:1-10
35 Ena reki na vanua talasiga kei na vanua sigasiga,+Kei na buca dravuisiga ena marau, ena se me vaka na senikau na sefaroni.+
2 Ena se sara ga,+Ena marau, ena kaikaila ena reki.
Ena soli kina na lagilagi nei Lepanoni,+Na totoka nei Kameli+ kei Saroni.+
Era na raica na lagilagi i Jiova, na totoka ni noda Kalou.
3 Moni vakaukauataka na liga wadameleMoni vakataudeitaka na duru ninini.+
4 Moni tukuna vei ira na lomaleqa:
“Moni kaukaua. Moni kua ni rere.
Raica! Ena mai veisausaumi na nomuni KalouEna mai vakatauitotogi na Kalou.+
Ena lako mai me vakabulai kemuni.”+
5 Ena gauna oya ena rai na matadra na mataboko,+Ena rogo na daligadra na didivara.+
6 Ena gauna oya ena ladelade na lokiloki me vaka na dia,+Ena kaila ena marau na yamena na galu.+
Ena vure mai na wai ena vanua talasigaKei na uciwai ena buca dravuisiga.
7 Ena vuki na qele katakata mamaca me tobu ni kutaKei na qele mamaca me waivure.+
Ena itikotiko era vakacegu kina na jakoli,*+
Ena tu kina na co drokadroka kei na gasau kei na kuta.
8 Ena tu e kea e dua na gaunisala levu,+Io, na sala ena vakatokai me Sala Savasava.
Ena sega ni muria o koya e dukadukali.+
Ena maroroi me nona o koya e muria tiko na sala,Ena sega ni lako sese kina o koya e sesewa.
9 Ena sega e kea na laione,Ena sega ni lako kina na manumanu kila daukata.
Era na sega ni laurai e kea,+O ira ga na voli lesu era na lako kina.+
10 O ira na vakabula o Jiova era na lesu,+ ra qai lako i Saioni ena kaila ni marau.+
Era na vakaisala ena reki tawamudu.+
Ena nodra na reki kei na marauNa rarawa kei na vutugu ena dro tani yani.+
iVakamacala e ra
^ Dua na mataqali koli kila, e ucu momoto, vutivutia na buina, e vaka na irairai ni fokisi.
