“Dina ni sa via malumu mai na veitauvi ni COVID-19 e veiyasa i vuravura, ia se vinakati tiko ga meda qaqarauni. Ena rawa ni yaco e dua tale na matedewa va qori ena gauna mai muri.”—Dr. Tedros Adhanom Ghebreyesus, na vunivola levu ni World Health Organization, Me 22, 2023.

 Nikua, e levu era se vakila tiko na rarawa e vu mai ena matedewa na COVID-19. Vakacava era sa tu vakarau na matanitu kei na tabana ni bula ke mani yaco e dua tale na matedewa va qori? Se era rawa ni walia eso na mate e tauvi keda tiko ena gauna qo?

 E kaya na iVolatabu e dua na matanitu ena vakarautaka na veiqaravi vakavuniwai me baleti keda. E kaya ni na “vakarautaka na Kalou ni lomalagi e dua na matanitu.” (Taniela 2:44) Ni veiliutaki na matanitu qori, “ena sega ni kaya e dua na lewenivanua: ‘Au tauvimate.’” (Aisea 33:24) Eda sa na bulabula vinaka kece qai marautaka na kaukaua vakaitabagone.—Jope 33:25.