BULA VAKAIDEWADEWA SE BULI?
Na Bati ni Sici
E dua na mataqali sici (limpet) e duatani sara na kaukaua ni batina. E cokoti vata e vica na wa mamare me buli kina na batina. Na wa qori e caka mai na ka e vakabulabulataka na qele e kilai me goethite, e ubi tu ena protein.
Dikeva mada: Na bati ni sici qori e vaka na irairai ni yame, e tuvani tu na bati takelo, e rauta ni dua na milimita na kedra balavu qai cakacaka me vaka na faele. Ena vinakati mera kaukaua qai dei vinaka me rawa nira karia laivi na kedra kakana na lumilumi e dau kabi tu ena vatu.
Era vakayagataka na dauvakadidike na iloilo ni vakalevutaki ka, mera tovolea kina na kaukaua ni batina me yacova sara ni kamusu. Era raica ni kaukaua cake na bati ni sici ni vakatauvatani kei na kabuli tale eso era vakadidike kina, e kaukaua mada ga ina viritalawalawa. E kaya o koya e liutaka na vakadidike qori: “Meda vakasamataka rawa qo na sala meda vakatotomuria kina na iwalewale qori ena veika eda bulia.”
Era vakabauta na dauvakadidike ni na yaga vakalevu noda muria na ibulibuli ni bati ni sici ena ka eda bulia me vaka na motoka, waqa, waqavuka kei na kena caka mada ga na bati.
Cava o nanuma? E bula vakaidewadewa se buli na bati ni sici?
Rawa ni o Wilika Tale ga
YADRA!
Na ua ni Kuku
Na wa lalai se ua ni kuku e veivuke ena kena toka dei na kuku ena vanua e kabita. Na nodra kila na kenadau na sala e cakava rawa kina qori na ua ni kuku, ena vukei ira ena nodra vaqara eso na iyaya kabikabi ni vale, se iwalewale me sema kina na ua ni yago kei na sui.
BULA VAKAIDEWADEWA SE BULI?
Na Yame ni Delakulanivalagi—Bula Vakaidewadewa se Buli?
E vakasakiti dina na iwalewale e vakayagataka na manumanuvuka lailai me domica kina na wai kamica ni senikau.
BULA VAKAIDEWADEWA SE BULI?
Na Drega ni Dio
Na drega ni dio e tukuni ni dua vei ira na drega kaukaua duadua ni vakatauvatani ina vo ni drega. Me yacova mai nikua e sega tiko ga ni kilai se rawa ni dei vakacava na dio ena vanua suasua.