Dua na siga e draiva tiko o Bob e rauta ni 100 na kilomita dua na aua, qai batabata toka na draki e Alberta e Kenada. E mani kacabote na taya ni nona lori ena yasana imawi. E sega ni kila na vuna e kacabote kina, ia e nanuma me draiva tiko ga me yaco i nona vale rauta ni lima na kilomita na kena yawa.

 Qo na nona ivola ina Vale ni Soqoni ni iVakadinadina i Jiova e toka voleka e kea. E kaya: “Ratou volekata yani na yasa ni noqu lori e le 3 na cauravou kei na 2 na goneyalewa, ratou biuta sobu sara nodratou iloilo ni motoka. Ratou kaya vei au ni sa kacabote tu noqu taya ni lori. Keitou mani kele e batinisala, ratou kaya ni ratou na veisautaka na taya. Au sega mada ga ni kila e tiko e dua tale na taya, se na misini e dau laveta na lori (jack). Au dabe toka ena noqu idabedabe qiqi e batinisala, ratou raica sara ena ruku ni lori e dua na taya kei na jack, ratou mani veisautaka. E batabata na draki, qai lutu tiko na ucacevata. E totoka nodratou isulusulu, ia ratou veisautaka rawa na taya au mani toso sara. Au na sega ni cakava rawa qori vakataki au.

 “Au vakavinavinakataki ratou na le lima na gone iVakadinadina i Jiova nodratou vukei au. Ratou a vunau tiko e veivale ena yasayasa qori. Ratou cakava sara tiko ga na ka ratou vunautaka. Ke sega nodratou veivuke ena ka ni sasaga toka noqu lesu i vale. Ia au vakavinavinakataka vakalevu na ka ratou cakava. Nodratou veinanumi kei na veivuke, e vaka ga e talai ratou mai na Kalou me ratou vukei au.”