Nyew. Jehovah Adasefo nyinara yɛ asɛmpakafo anaa asomfo​—a mbaa ɔpepem pii kã ho. Dɛ mbrɛ Bible no kãe too hɔ no, “Mbaa a wɔdze nsɛmpa no tahye no wɔyɛ dɔm kɛse.”​—Ndwom 68:11.

Mbaa a wɔyɛ Jehovah Adasefo no dzi mbaa a hɔn ho asɛm wɔ Bible mu no nhwɛdo ekyir. (Mbɛbusɛm 31:10-​31) Ɔwɔ mu dɛ wonndzi enyim wɔ asafo no mu dze, naaso wɔdze hɔnho hyɛ baguamu asɛnka edwuma no mu kɛse. Wɔdze Bible mu ngyinadosɛm ahorow so kyerɛkyerɛ hɔn mba. (Mbɛbusɛm 1:8) Adasefo mbaa nam hɔn anomu nsɛm nye hɔn ndzeyɛɛ do yɛ edwumadzen dze nya afofor do nkantando pa.​—Titus 2:​3-5.