AYEGHLE 01

Aval avé Bible a ne wô vole ?

A WOKH A NKOBE

Abuiñ ye ébe bia, bia kômô yem abuiñ mam ma daghe éning, minzukh, awu ya fe é mam ma ye bobane melu ma zu. Bia dzeng fe aval bi ne bele avole nfa ye minzukh bia tubane mio, ye aval bi ne bele mono naa bi kale é nda bôr dzèè, asu ye naa be tobe mevakh. Abuiñ bôr é nga yen naa Bible éé dzi ki sughe fave a ve bo biyalane bura minsili mi ye éning, a nga ve fe bo mbemba melepgha me ne éban akal éning deba. Ye wa tem naa Bible a ne vole é môr sese wa yem ?

1. Za minsili Bible a yalane mio ?

Bible a yalane é bura minsili mi : Aval avé éning é nga tare ? Bia ning amu dzé ? Amu dzé moan môr a dzukh ? Dzé da lôr éyong môr a wu ? Nge môr ase a kômô ning a mvoa été, ve, amu dzé meluman me ne abuiñ ? Si da ye bo yè melu ma zu ? Bible a sakh bia naa bi dzeng biyalane minsili mité ya fe naa, abuiñ bôr be nga yen a Bible été biyalane bi nga bira be vole bining bieba été.

2. Aval avé Bible a ne bia vole naa bi bele mbemba éning ému ?

Bible a ve bia mbemba melepgha. Éfônan é ne naa, a yeghle menda me bôt aval be ne bele ña mevakh. A dzô bia é dzam bi ne bo éyong n’nem ô kele bia ôyô, a lere fe bia aval bi ne dzing ésèñ bia bo. Mia ye yeghe é dzam Bible a yeghle nfa minlô medzô meté, dang-dang éyong mia ye yeghe minlô medzô meté nsama. Ngeng ézing da ye wô tsini a yebe naa « mintsilan mise [é mam mese Bible a dzô] me ne [. . .] abuane. »—2 Timothée 3:16.

É kalare ñi éé se ki Bible. A sakh wô naa wamièn ô yeghe Bible. Éde, bia sakh mia naa mi lang bifus bise ba tu meyeghle été ya vaghane mo ya é mam mia yeghe.

A TUGHA FAS

Yeneghane aval Bible a nga vole bôt, aval mi ne buane nlanghan ya Bible, ye amu dzé é ne mbeng naa bi bele avole naa bi wokh ñe.

3. Bible a ne bia lere zen

Bible a ne ane élam é ne édedaa ngu’u. Bi ne belane Bible naa a vole bia a ñong mbemba minkighane ya yem é mam ma ye bobane melu ma zu.

A lang Bya 119:105, ya yalane minsili mia zu mi :

Aval avé n’tsili Bya té a mbe éé ñong Bible ?
Aval avé wamièn wa ñong Bible ?

4. Bible a ne yalane minsili miè

Bible a nga vole minenga ézing naa a bele biyalane minsili a mbe éé sili émièn, mii mbe mii ndaghle ñe tang abuiñ mimbu. Daghane ÉNGENGENG, éyong té mia yalane minsili mia zu mi :

ÉNGENGENG : Ne perdez jamais espoir ! nge ki Nunca pierda la esperanza (1:48)

Éngengeng di été, za aval minsili minenga té a mbe éé sili émién ?
Aval avé ayeghe Bible é nga vole ñe ?

Bible a sakh bia naa bi sili minsili. A lang Matthieu 7:7, ya yalane nsili wa zu wi :

Za minsili ô bele, Bible a ne yalane mio ?

5. Ô ne buane nlanghan ya Bible

Abuiñ bôt be nga buane nlanghan ya Bible ya bele biboran bia so été. Daghane ÉNGENGENG, éyong té mia yalane minsili mia zu mi :

ÉNGENGENG : Lire la Bible nge ki Leer la Biblia (2:05)

Éngengeng di été, aval avé bitong bi bôt be mbe béé yen nlanghan ya Bible ?
Amu dzé é ba be nga langhang Bible baa yen ki fe mam aval évoo ?

Bible a dzô naa, a ne bia ve melepgha ma fôlô bia n’nem ya ve bia mebun. A lang Beromain 15:4, ye yalane nsili wi :

Ye wa kômô yem mengiagh Bible a ve nfa a fôlô n’nem ya ve mebun ?

6. Bôr befe be ne bia vole a wokh Bible

Afang bo naa bôr bebién be mbe béé lang Bible, ve abuiñ é nga yen naa a lèè minlang ya é bôr bevoo da bira fe vole. A lang Bisè mintôl 8:26-31, ya yalane nsili wi :