Mbu 2023 wa sum wi, bia bunu naa wa ye bo mbeng akal dèè ye menda me bôt mèè. Ve amu dzé bi ne bele abîm ôyane té ?

 Bible a bôm mbemba fuèñ naa minzukh bia tôbane myo ému mine étun ye fe naa mi nga zuyang mane .Ede bi ne dzô naa, Bible a nga “ tsiliban akal e yeghle bia ye bo naa ngalan ôdzibi wèè . . . Ye aval Bible a fôlô bièè, bi bele ôyane.”​—Beromain 15:4.

•   Naa bi yem é mam mefé Bible a kiakh, langhane nlô adzô ô ne naa “ Ña ôyane akal mbemba éning.”

 Ôyane Bible a ve ône bia ane “akôn akal bining bièè.” (Behébreu 6:19, atoan é ne asi) Ôyane té ône bia buii min’nem ôsi. Ô ne bia vole naa bi dang minzukh bia tôbane myo abong di, kaa veghbe dzam ézing, ya bele é mvom da tobe ayap. Efônan :

•   Yenghan ane ôyane Bible a ve ô nga vole fam éé mbe é lumane ya mbia fulu ézing. Deghan éngengeng di : Me vorang ye aval éning ma ning.

•   Yeneghan aval ôyane ya Bible ô ne bia vole éyong bi va dzimle môt ya é nda bôt dèè. Deghan éngengeng : avole akal é bôt be bele meyep.

 Abuiñ bôt ba kômô naa mbemba bemam é me me bobane, ve ba vuène naa é mam ba sili alé me ne bo kaa tubane. E mam Bible a kiakh mese ki nèè. Amu dzé ? Akal naa mengiakh me ya Bible ma so ebe Jehôva émieñ a, “ é nii a se luè minal.” (Tite 1:2) Jehôva étam é ñe a bele ngu’u ya dzale mengiakh mese mèñ ; a ne ve naa “ é dzam ése a kômô é bobane” Bya 135:5, 6.

 Bia luè mina ya mevakh naa mine zu buane ôyane ya Bible ô ne bebela. Mine yemle ôyane wônan éyong mina “ lang ye binan Bible. ” (Bisè mintôl 17:11) Mina ye de yen mina bebièn éyong mina ye sum ayeghle ya Bible kaa tang. Sumghane mbu 2023 ya mbemba minsonghan mi man !