«Mundu osoa Gaiztoaren esku dago» (1 Joan 5:19).

«[. . .] honetarako agertu zen Jainkoaren Semea, deabruaren egintzak deuseztatzeko» (1 Joan 3:8, Elizen Arteko Biblia).

Munduko arazoen zergatia argi ikus dezakezu (Apokalipsia 12:12).

Munduak hobera egingo duela sinesteko arrazoiak eduki ditzakezu (1 Joan 2:17).

Bai, mundua hobera egingo duela sinesteko badaude behintzat hiru arrazoi:

• Deabruaren agintea hondamendira doa. Gizartea Satanen menpekotasunetik askatzeko erabakia hartua du Jehobak. Zer egingo du? Satanek eragindako kalte guztia konpondu, «deabrua heriotzaren bitartez indargabetzeko» promesa egin baitu (Hebrearrei 2:14).

• Jainkoak Jesukristo hautatu du mundua gidatzeko. Gizarte honen agintaria bihotzgabea eta berekoia da; Jesus ordea, guztiz bestelakoa. Errege bezala, Jesusek honela jardungo duela zin egin du Jainkoak: «Gupida izango die gizagaixo eta pobreei [. . .] Berak babestuko ditu gogorkeria eta bidegabekeriatik» (72. Salmoa 13, 14).

• Ezinezkoa da Jainkoak gezurrik esatea. Bibliak argi eta garbi uzten du: «Jainkoak ez dezake gezurrik esan» (Hebrearrei 6:18). Jehobak bere hitza emandakoan, egindakotzat jo dezakegu! (Isaias 55:10, 11). Beraz, Deabruari buruz esandakoa beteko du: «Galduko du bere boterea mundu honetako buruzagiak» (Joan 12:31).