“Atua ke fo tuptao naromter. Ngo ke fo mer tik ki natam̃ol mat ngo ke fo mer tik ki natam̃ol nen i kai kat natam̃ol nen i mat. Ke fo mer tik ki nkaiwen ngo natam̃ol ruk fo ta mer nrong fas nam̃olir mau. Nafet sernale ni malpei, ruk fo pan puel termau.” —Revelesen 21:3, 4, Natus Tap ni Bislama.

I prengi ku letae na nauesien nen p̃a fo prengi ruk fo ta pi tep̃al mau ngo p̃a fo semsem nafet nauesien ne. —Aesea 65:21-23.

I prengi ku mro tae na ke fo tik ki namsaki ngo natam̃ol ruk fo ta mer nrong fas nam̃olir mau.—Aesea 25:8; 33:24.

Ku saltae na p̃a fo semsem skot nafet nametrau ngang ngo aslam, nam̃olien nen ke fo tu mautu.—Ol Sam 37:11, 29.

Ore, nlaken kin:

• Atua i tae preng nafet namurien nga ruk fakor. Natus Tap i tli na Iofa Atua ipi Atua nen ipi atlak “silu nakerkreian” nlaken kin ipi atlak nakerkreian p̃ur. (Revelesen 15:3) Ipi nlaken kin ke fo tae preng namurien nga ke fakor emeromen ne, malen emeromen ne ke fo mer ler mai pi naor wi mesmes iskei. Taos Natus Tap i tli, “Atua i tae preng silu sernale.” —Matiu 19:26.

• Atua i murin i top nen ke freng nafet namurien nga ruk fakor. Iofa i nrik Daniel kina : “Ang p̃a fo mat me p̃a fo mer ler m̃ol.” Ore, ipi namurien ni Iofa nen ke freng nafet nam̃er mat ruk mer ler m̃ol.—Daniel 12:13.

  Natus tap i po tli na Yesu i preng nafet nam̃er msak ru ler mai wi. ?Nlaken i ku? Nlaken ipi namurien nga. (Mak 1:40, 41) Yesu i pei ki natam̃ol ki sup̃ wi ni Apap nga, malen i welu nafet natam̃ol nen ru to nanrongtesan.—Jon 14:9.

  Ipi nlaken kin tu tae fafat na, Iofa ngo Yesu ra mro kerkrai welu akit nen tuk tae nrongo i wi mal wi mesmes nen ke fo mai!—Ol Sam 72:12-14; 145:16; 2 Pita 3:9.