1 Peter 5;1-14
5 Mmọdo, ami nnọ mbiowo emi ẹdude ke otu mbufo item emi, koro ami n̄ko ntienede mmọ ndi ebiowo+ nnyụn̄ ndide ntiense+ ndutụhọ Christ, ye andibuana ke ubọn̄ emi ẹdiyararede:+
2 Ẹkpeme+ otuerọn̄ Abasi+ emi ẹnọde mbufo ẹse ẹban̄a, ẹkûnam nte n̄kpọ eke ẹnyịkde-nyịk mbufo, edi ẹnam ke edinyịme esịt;+ ẹkûnyụn̄ ẹnam ke ntak emi ẹmade idiọk udori,+ edi ẹnam koro emi enen̄erede ọdọn̄ mbufo ndinam;
3 ẹkûda ọkpọsọn̄ ubọk ẹkara+ mmọ emi ẹdide inyene+ Abasi, edi ẹkabade ẹdi uwụtn̄kpọ ẹnọ otuerọn̄.+
4 Ndien ke ini etubom ekpemerọn̄+ ẹdiwọrọde owụt idem, mbufo ẹyebọ anyanya ubọn̄+ eke mîdibiarake.+
5 Kpasụk ntre, mbufo n̄kparawa, ẹsụk ibuot+ ẹnọ mbiowo. Ndien kpukpru mbufo ẹnam n̄kpọ ke nsụhọdeidem ye kiet eken,+ koro Abasi ọbọbiọn̄ọ mbon ntan̄idem, edi enye ọnọ mbon nsụhọdeidem mfọnido eke owo mîdotke.+
6 Ntre, ẹsụhọde idem ke idak ọkpọsọn̄ ubọk Abasi, man enye ekpemenede mbufo ke edikem ini;+
7 ke adan̄aemi ẹtopde kpukpru editịmede esịt+ mbufo ẹdori enye ke idem, koro enye ekerede aban̄a mbufo.+
8 Ẹnyene ikike, ẹnyụn̄ ẹdu ke ukpeme.+ Asua mbufo, kpa Devil, ke oyoyo nte ekpe eke okụnide, oyom owo eke enye editade.+
9 Edi ẹsọn̄ọ ẹda ke mbuọtidem, ẹn̄wana ye enye,+ sia ẹfiọkde ẹte ofụri otu nditọete mbufo ke ererimbot ke ẹsosobo ukem ndutụhọ emi.+
10 Edi, ke mbufo ẹma ẹkekụt ukụt ke ekpri ibio ini,+ Abasi kpukpru mfọnido oro owo mîdotke, emi okokotde mbufo esịn ke nsinsi ubọn̄+ esie nte mbon oro ẹbuanade n̄kpọ+ ye Christ, oyokụre ukpep mbufo, enye ayanam mbufo ẹsọn̄ọ ẹda,+ enye ayanam mbufo ẹkop idem.+
11 Yak itie edikara+ enyene enye ke nsinsi. Amen.
12 Ami nda Silvanus,+ emi mbatde nte eyenete emi anamde akpanikọ, n̄wet ikọ ifan̄ emi nnọ ẹsọk mbufo,+ man nnọ mbufo nsịnudọn̄ ye ikọ ntiense akpanikọ nte ke emi edi ata mfọnido Abasi oro owo mîdotke; ẹsọn̄ọ ẹda ke esịt.+
13 N̄wan emi odude ke Babylon,+ emi ẹmekde kpa nte ẹmekde mbufo, ọkọrọ ye Mark,+ eyen mi, ẹte n̄kọm mbufo.
14 Ẹda ima ima ntịminua ẹkọm kiet eken.+
Kpukpru mbufo emi ẹbuanade n̄kpọ ye Christ ẹkpekam ẹnyene emem.+
