Itie N̄wed Abasi Eke Usen ke Usen
Ẹdụn̄ọde N̄wed Abasi ke Usen ke Usen enyene itien̄wed Abasi emi oyomde ẹneme kpukpru usen, onyụn̄ enyene se ẹtịn̄de ẹban̄a itien̄wed Abasi oro. Edieke esikotde n̄wed emi kpukpru usenubọk, oro ayan̄wam fi ekeme ndida ofụri usen oro n̄kere nti n̄kpọ oro afo okokotde ke Bible.
Okposụkedi emi afo ekemede ndikot n̄wed emi ini ekededi, ediwak owo ẹsima ndikot enye usenubọk sia oro ayanam mmọ ẹkeme ndida ofụri usen oro n̄kere mban̄a se mmọ ẹkekotde. Ekpedi afo emenyene ubon, mbufo ẹyenen̄ede ẹdia ufọn edieke ẹsitiede ntre ẹneme enye.
Afo emekeme ndikot itien̄wed Abasi eke usen ke usen ke Watchtower LIBRARY EKE INTANET, mîdịghe emekeme ndisio eke PDF ke Intanet, eke ofụri isua kiet, emi edide ukem ye enye oro ẹmịn̄de-mịn̄.
Ekeme Ndidi Ayama Mmọ Emi N̄ko
SE AKPADADE EKPEP BIBLE
N̄wed Emi Etịn̄de N̄kpọ Aban̄a Bible
N̄wed Insight on the Scriptures anam ata ediwak n̄kpọ ke Bible enen̄ede an̄wan̄a. Enye etịn̄ n̄kpọ aban̄a mme owo, mme itie, mme eto ye mbiet, mme unam, mme akpan n̄kpọ oro ẹketịbede, ye mme ikọ oro ẹdude ke Bible. Enye oro afo ekemede ndisio ke jw.org esịne ndise obio, nsio nsio ndise, nsio nsio ibuotikọ ye mme itien̄wed Bible oro ẹwetde ke adiana ke adiana.
SE AKPADADE EKPEP BIBLE
N̄wed Ndise Bible
‘Kụt Eti Isọn̄’ enyene mme ndise obio ye mme chart oro ẹwụtde nsio nsio ebiet oro ẹtịn̄de ẹban̄a ke Bible, akpan akpan Isọn̄ Un̄wọn̄ọ ke nsio nsio ini.
SE AKPADADE EKPEP BIBLE
N̄wed Emi Etịn̄de Se Idude ke Bible Ibio Ibio
Ediye ekpri n̄wed Nso Idi Etop Bible? etịn̄ se idude ke Bible ibio ibio onyụn̄ anam ẹfiọk ibuotikọ Bible.