Ndi Mme Demon Ẹdu?
Se Bible ọdọhọde
Mme demon ẹdu. Mmọ ẹdi “mme angel oro ẹkenamde idiọkn̄kpọ.” Mmọ ẹma ẹsọn̄ ibuot ye Abasi. (2 Peter 2:4) Satan edi akpa angel emi akakabarede edi demon, kpa enye ke Bible okot “andikara mme demon.”—Matthew 12:24, 26.
Nsọn̄ibuot ke eyo Noah
Bible ọdọhọ ke mme angel ẹma ẹsọn̄ ibuot ye Abasi mbemiso Ukwọ eyo Noah. Ke Genesis 6:2, ẹdọhọ ke “nditọiren ata Abasi [ẹma] ẹtọn̄ọ ndikụt nditọiban owo, nte mmọ ẹyede; ndien mmọ ẹda kpukpru iban oro mmọ ẹmekde ẹdọ.” Ndiọi angel oro ẹma ‘ẹkpọn̄ ebietidụn̄ mmọ’ ke heaven ẹnyụn̄ ẹmen idem owo ẹsịne man ẹdan̄ ye iban.—Jude 6.
Ke ini Ukwọ ekedide, ndiọi angel oro ẹma ẹfọrọde idem owo ẹnịm ẹfiak ẹnyọn̄ heaven. Edi Abasi ikayakke mmọ ẹkebuaha ye nti angel eken. Abasi inyụn̄ iyakke mmọ ẹkeme ndimen idem owo nsịne aba.—Ephesus 6:11, 12.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Ndi Devil Akam Odu?
Ndi Devil odu mîdịghe ndi Devil edi idiọkn̄kpọ emi esịnede owo ke esịt?
ENYỌN̄-UKPEME
Ndi Satan Edi Idiọkn̄kpọ Emi Esịnede Owo ke Esịt?
Enyene mbụk iba ke Bible emi ọbọrọde mbụme emi.
ẸDEMEDE!
Nso ke Bible Etịn̄ Aban̄a N̄kpọ Mme Demon?
Kpa ye oro ediwak owo mînịmke ke mme demon ẹdu ẹnyụn̄ ẹnyene odudu. Bible ọdọhọ ke mme demon ẹdu. Nso ke Ikọ Abasi etịn̄ aban̄a mme demon? Ndien ntak-a?
