Tɔɔrɔ bena ban loon dɔ wa?
E ko di? . . .
-
a be se ka ban
-
a tɛ se ka ban
-
n’a sɔrɔ a be se ka ban
BIBULU B’A FƆ KO:
“Ala . . . bena u ɲaji bɛɛ cɛ. Saya kɔni, o te yen tugu. Mɔgɔ tena sa, mɔgɔ tena kasi, mɔgɔ tena tɔɔrɔ tugu.”—Yirali 21:3, 4, Ala ka kuma, ABBF.
I BE SE KA NAFA MIN SƆRƆ O LA:
O b’an jigi sigi ko Ala tɛ gwɛlɛyaw lase an ma.—Zaki 1:13.
O b’an dusu saalo sabu n’an be tɔɔrɔla, an b’a lɔn ko Ala b’an faamu.—Zakari 2:8.
O be jigiya di an ma ko tɔɔrɔkow bɛɛ bena ban.—Zaburuw 37:9-11.
BIBULU BE MIN FƆ, AN BE SE KA LA O LA SƆBƐ LA WA?
An be se ka la o la kuun fila ɲɔgɔn kama:
-
Tɔɔrɔ ni tilenbaliyakow ka gwo Ala ye. Galen, mɔgɔw ye Ala sagokɛlaw niin tɔɔrɔ. An k’a filɛ o koo ye min kɛ Jehova Ala la. Bibulu b’a fɔ ko Jehova dusu kasira a ka mɔgɔw kosɔn sabu u juguw “tun b’u sigɛnna.”—Kiritigɛlaw [Cɛfariw] 2:18.
Minw b’u mɔgɔɲɔgɔnw niin tɔɔrɔ, olu koo ka gwo Ala ye. Ɲɛyirali fɛ, Bibulu b’a fɔ ko minw be ‘mɔgɔ jalakibali faga,’ Ala b’olu kɔniya.—Talenw 6:16, 17.
-
Ala b’a janto an kelen kelen bɛɛ la. Adamaden kelen kelen bɛɛ b’a ka “tɔɔrɔ n’a ka sigɛn faamu.” Jehova fana b’o faamu!—2 Tilew Kibaru 6:29, 30.
A ka Masaya sababu fɛ, Jehova bena bɛɛ ka tɔɔrɔ ban yanni dɔɔni (Matiyo 6:9, 10). Nka sanni o wagati ka se, minw be Ala yɔrɔ ɲini sɔbɛ la, a b’olu dusu saalo.—Kɛwaliw 17:27; 2 Korɛntikaw 1:3, 4.
MIIRI K’A FILƐ:
Mun na Ala b’a to tɔɔrɔkow ka kɛ?
O ɲiningali ka jaabili be sɔrɔ Bibulu kɔnɔ: ƆRƆMUKAW 5:12 ani 2 PIYƐRI 3:9.
Découvrez aussi…
BIBULU KA KALAN JƆNJƆNW
Mun na Ala b’a to tɔɔrɔkow ka kɛ?
Mɔgɔ caaman b’u yɛrɛ ɲininga mun na dusukasi ni tɔɔrɔ fanin lo ten duniɲa kɔnɔ. Bibulu be jaabili ɲumanw di o koo la, minw b’an dusu saalo.
AN YE JƆN LO YE?
Mun na i ka ɲi ka bibulukalan kɛ?
Ɲiningali jɔnjɔn minw ɲɛsinna an ka ɲɛnamaya koo ma, Bibulu be mɔgɔ miliyɔn caaman dɛmɛna duniɲa kuru bɛɛ kɔnɔ k’u jaabiliw sɔrɔ. A bena diya i ye ka kɛ olu dɔ ye wa?
