Mun lo be na ni hɛɛrɛ ye denbaya kɔnɔ?
Ele fɛ . . .
-
kanuya lo wa?
-
wari lo wa?
-
wala fɛɛn wɛrɛ lo?
BIBULU B’A FƆ KO:
“Mɔgɔ min be Ala ka kuma lamɛn, k’a bato, o le dagamunin lo.”—Luka 11:28, Ala ka kuma, ABBF.
AW BE SE KA NAFA MIN SƆRƆ O LA:
Aw bena ɲɔgɔn kanu sɔbɛ la.—Efɛzikaw 5:28, 29.
Aw bena ɲɔgɔn bonya sɔbɛ la.—Efɛzikaw 5:33.
Aw bena la ɲɔgɔn na sɔbɛ la.—Mariki 10:6-9.
BIBULU BE MIN FƆ, AN BE SE KA LA O LA SƆBƐ LA WA?
An be se ka la o la kuun fila ɲɔgɔn kama:
-
Ala lo ye denbaya jusigibaga ye. Bibulu b’a fɔ ko denbayaw “bɛɛ b’u tɔgɔ sɔrɔ” Jehova Ala lo fɛ (Efɛzikaw 3:14, 15). O kɔrɔ ko Jehova lo ye denbaya koo sigi sen kan. Mun na o koo kɔrɔtanin lo?
I ka miiri nin na: N’i be dumuni diiman dɔ kɛra ani i b’a fɛ k’a lɔn a tobira ni fɛɛn minw ye, i bena jɔn lo ɲininga? A tobibaga tɛ wa?
O cogo kelen na, n’i b’a fɛ k’a lɔn fɛɛn minw b’a to hɛɛrɛ ka sɔrɔ denbaya kɔnɔ, a ka ɲi i ka Jehova lo ɲininga, sabu ale lo ye denbaya jusigibaga ye.—Zɛnɛzi 2:18-24.
-
Ala b’a janto aw la. A ka ɲi denbayaw ka ladiliw ɲini Jehova Ala fɛ Bibulu kɔnɔ. Mun na do? “Bari a be janto aw la.” (1 Piyɛri 5:6, 7). Jehova be i ka hɛɛrɛ lo fɛ. A ka ladiliw be mɔgɔ nafa tuma bɛɛ!—Talenw 3:5, 6; Ezayi 48:17, 18.
MIIRI K’A FILƐ:
Cogo juman na i be se ka kɛ furucɛ ɲuman, furumuso ɲuman, wala bangebaga ɲuman ye?
O ɲiningali ka jaabili be sɔrɔ Bibulu kɔnɔ: EFƐZIKAW 5:1, 2 ani KƆLƆSIKAW 3:18-21.
Découvrez aussi…
AN YE JƆN LO YE?
Mun na i ka ɲi ka bibulukalan kɛ?
Ɲiningali jɔnjɔn minw ɲɛsinna an ka ɲɛnamaya koo ma, Bibulu be mɔgɔ miliyɔn caaman dɛmɛna duniɲa kuru bɛɛ kɔnɔ k’u jaabiliw sɔrɔ. A bena diya i ye ka kɛ olu dɔ ye wa?
AN YE JƆN LO YE?
A ɲini Jehova Seerew fɛ u ka na bɔ i ye
A ɲini Jehova Seerew fɛ u ka na baro kɛ n’i ye Bibulu koo la wala ka bibulukalan kɛcogo yira i la gwansan.
