Ponda a tano̱ o wase, Yesu a lee̱le̱ bato ndolo ninde̱ne̱, a bola na mo̱me̱ne̱ longe̱ lao ka jabea ońol’abu. (Mateo 20:28; Yohane 15:13) Son a ponda, a me̱nde̱ pe̱te̱ lee̱ ndol’ao ońola bato ponda a me̱nde̱no̱ bolane̱ doi lao la byanedi ka kiṅ’a janea la Loba o “bo̱le̱ bila o wase ńe̱se̱.”​—Myenge 46:10.

 Maka ne̱ni Bibe̱l e matele̱ye̱no̱ nje Yesu a me̱nde̱no̱ bola:

•   “A me̱nde̱ sunga mutuedi nu mate̱ misea, na mutakedi nu si be̱n mongwanedi. A me̱nde̱ bwea bayaṅabe̱ na ba sasabe̱ ndedi, na sunga pe̱ longe̱ la bandenge̱. A mawunja midī mabu na mabandan na matusan.”​—Myenge 72:12-14.

 Ne̱ni jeno̱ ná di lee̱le̱ masoma ońola me̱se̱ mena Yesu a mábolano̱ a me̱nde̱no̱ pe̱ bola ońol’asu e? O Lukas 22:19, Yesu a langwedi bokwedi bao na bo̱nge̱le̱ kwed’ao. Ońola nika nde Mboṅ a Yehova i mako̱to̱me̱no̱ mbu te̱, o Jo̱nge̱le̱ la kwed’ao. Di mabele̱ wa o ko̱to̱me̱ mwemba na biso̱ o bolise̱ Jo̱nge̱le̱ la kwed’a Yesu Eti, 24 ma So̱ṅe̱ 2024.

So̱ epol’a Jo̱nge̱le̱ la kwed’a Yesu