Saŋa na Yezu naŋ da be a teŋɛzuŋ na, o da wulee nɔmmo naŋ e zuluŋ a ko noba. O gba da yi la o sukyiriŋ a de o nyɔvore iri neŋ sareka ko nensaaleba. (Matio 20:28; Gyɔɔn 15:13) A koŋ kɔɔre, o na lɛ wulee lɛ na oŋ nɔŋ nensaaleba aseŋ saŋa na oŋ na de kpeɛ̃o na oŋ taa aŋa Naaŋmen Naaloŋ na Naa a vɛŋ ka “zɔɔre baare a tendaa lombori zaa” na.​—Yieme 46:9.

 Nyɛ lɛ na a Baabole naŋ wuli yɛlɛ na Yezu naŋ na e:

•   “O na faa la nandaaneba naŋ kono boɔrɔ sommo na, O na deɛ la nembaalba meŋ ane noba na naŋ ba taa sonnɔ na. O na zoe nembaalba ane nandaaneba nembao, O na faa la nandaaneba meŋ nyɔvoɛ. O na deɛ baŋ yi dɔgrebo ane kpaŋkpaŋkpeɛ̃o toma poɔŋ.”​—Yieme 72:12-14.

 Wala teŋ na baŋ e a de wuli ka te niŋe paalɛɛ yɛlɛ na zaa Yezu naŋ e ko te, ane yɛlɛ na zaa oŋ naŋ na e ko te na? A yi Luka 22:19, Yezu da yelko la o potuuribo ka ba maŋ leɛteɛre o kũũ na yɛlɛ. Yuoni ŋa meŋ Jehoova Sieree Deme na laŋ la taa a leɛteɛre Yezu kũũ na. Te tonɔ boɔlɔ boŋ ka ho wa poɔ te eŋɛŋ ka te Leɛteɛre Yezu kũũ na Koseɛraa Daare, March 24, 2024.

Bɔ a Leɛteɛroo zie