YƐ KAARA VELAA!
Bo Saŋa Ka A Zɔɔre Ŋa Zaa Na Baare?—Wala Ka A Baabole Yeli Kyaare A Yɛlɛ Ŋa?
Asibiti daare April 13 2024, zɔɔre kaŋa da piileeŋ Iran neŋ Izerayɛl noba kpakyagaŋ. Azuŋ, United Nations Secretary-General António Guterres yeleeŋ a kyaare a yɛlɛ ŋa ka: “Pampana ŋa la wagre na aŋ seŋ ka te moɔ te moɔbo zaa a vɛŋ ka a zɔɔre yɛlɛ mãã, ka lɛ vɛŋ ka yɛlɛ ta sãã gaa tɔɔre. Pampana ŋa la wagre aŋ seŋ ka te maaleŋ taa nyɔge meŋɛ yaga zaa a gaŋ saŋa zaa.”
Yɛlɛ naŋ erɛ a donɛɛ sapare sɛŋ na wulee yɛlɛ naŋ erɛ a donɛɛ lombori zaa.
“A yi saŋa na a Donɛɛ Zaa Zɔɔre Ayi Soba naŋ baare na puoriŋ, te saŋa ŋa poɔŋ la ka zɔɔre be a donɛɛ lombori zaa a gaŋ saŋa zaa naŋ pare. A yɛlɛ ŋa de la toɔrɔ waneŋ noba naŋ ta turiturituri ayi zuŋ. Lɛ wuleeŋ ka a yi noba banaare zaa poɔ, a zɔɔre ŋa maŋ de la toɔrɔ waneŋ neŋyeni zuŋ.”—United Nations Security Council, January 26, 2023.
Paalonne na mine zɔɔre naŋ bebe la Izerayɛl, Gaza, Syria, Azerbaijan, Ukraine, Sudan, Ethiopia, Niger, Myanmar, ane Haiti. a
Bo saŋa ka a zɔɔre ama zaa na baare? A teŋɛzu wedeɛreba na baŋ wanɛɛ emmaaroŋ bee? Wala ka a Baabole yeli kyaare a yɛlɛ ŋa?
Zɔɔre be la a donɛɛ poɔŋ yaga zaa
A zɔɔre naŋ be a donɛɛ lombori zaa na eɛ sieree naŋ wuli ka a koŋ kɔɔre kyɛ ka zɔɔre zaa baare. A zɔɔre ŋa vɛŋɛɛŋ ka yɛlɛ na a Baabole naŋ yeli kyaare te saŋa ŋa na nyɛ eebo. A Baabole yeleeŋ ka te wagre ŋa la, “a donɛɛ baaroo.”—Matio 24:3.
“Yɛ na wono la zɔɔre yɛlɛ ane zɔɔre yɛlɛ ba naŋ moɔlɔ. . . . paaloŋ na maŋ iri zɔɔrɔ neŋ la o tɔ paaloŋ, ka namine meŋ iri zɔɔrɔ neŋ taa.”—Matio 24:6, 7.
Kanne a yelzu ŋa, “What Is the Sign of ‘the Last Days,’ or ‘End Times’?” (Bo Sieree La Bebe A Wulo Ka Te Be La ‘A Bebi-Baaree Poɔŋ,’ Kyɛbee A ‘Donɛɛ Baaroo Saŋa’?) a nyɛ daŋyelbo na a zɔɔre naŋ bebe zenɛ na naŋ vɛŋ aŋ nyɛrɛ eebo.
Zɔɔre naŋ na vɛŋ ka zɔɔre zaa baare
A Baabole yeleeŋ ka zɔɔre naŋ be nensaaleba kpakyagaŋ na baareŋ. Boŋ na vɛŋ ka a yɛlɛ ŋa nyɛ eebo? Nensaaleba koŋ toɔ̃ vɛŋ ka a yɛlɛ ŋa nyɛ eebo, kyɛ a tuuro zɔɔre na baŋ boɔlɔ Hammagedon eŋɛŋ ka Naaŋmen na tu a vɛŋ ka a yɛlɛ ŋa nyɛ eebo. A Baabole yeleeŋ ka a zɔɔre ŋa eɛ “Naaŋmen a Kpeɛ̃o Zaa Daana zɔɔre bebi-kpoŋ na.” (Yel-iriwulaa 16:14, 16) Ka a zɔɔre ŋaŋ wa baare, Naaŋmen na vɛŋeŋ ka noɔre na oŋ eŋ ka o na vɛŋeŋ ka emmaaroŋ bebe na nyɛ eebo.—Yieme 37:10, 11, 29.
Ka hooŋ boɔrɔ ka ho zanne yɛlɛ yaga a kyaare zɔɔre na Naaŋmen naŋ na de wa baare neŋ zɔɔre zaa na, kanne a yelzu ŋa, “What Is the Battle of Armageddon?” (Boŋ La Hammagedon Zɔɔre?)
a ACLED Conflict Index, “Ranking violent conflict levels across the world,” January 2024