YOTAANTSI 01
¿Jaoka onkantyari amitakotantempiri ora Bibiria?
Osheki atiri isampita paita atimantari, paita ashinonkantari, paita akamantari, paita oyeene, aisati ikenkeshirea paita ayeari, paita ankitsaatyari, aisati jaoka ankantyari ankimoshiretakantyariri ashaninkasanori. Osheki atiri iyoti ora Bibiria ankero sampitaantsipee aisati obametee asaikantyari kameetsa. ¿Arimpa obametakeri Bibiria pishaninka?
1. ¿Paita obametimpiri Bibiria?
Ora Bibiria obametimpi: ¿Jaoka okantari atimantakari? ¿Paita atimantari? ¿Paita yashinonkantari kameetsari ashaninka? ¿Jaoka irijateri kamayetatsiri? Akoakerika asaike kameetsa, ¿paita amanatabakaajeitantari? Aisati, ¿paita oyerone kipatsi? Ora Bibiria obametempi oka sampitaantsipee ariorika piñanatakero. Osheki ñanatirori Bibiria iyotakero okapee.
2. ¿Obametimpimpa Bibiria pisaikantyari kameetsa?
Je, ari obametakempi, kemperi: Obametiri ashaninkapee inkimoshiretantyari. Aisati obametempi eiro pishemarotsi pantabeeterika. Piñanaterorika oka sankenarentsi, piyotero oka sampitaantsipee aisati pashini. Impoiji ari piyotakero “iriotaque Tasorentsi sanquenatacantaquerori irineane, maaroni [...]. Oamejeitaque ancameetsajeitanaque” (2 Timoteo 3:16).
Oka sankenarentsi kaari oni Bibiria. Oka sankenarentsi amitakotempi piñanatantyarori. Irootake okameetsatantari piñanatero maaroni sankenatachari timatsiri aka yotaantsipeeki, aisati piyotasanotero keariotatsiri.
PIYOTASANOTERO YOTAANTSIKA
Ayotero jaoka okantari amitakotakeri Bibiria pashinipee, jaoka ankantyari añanatantyarori kameetsa, aisati paita okameetsatantari yora kemisantatsiri irobametempi.
3. Ora Bibiria ojibatee
Ora Bibiria oinijayeero abotsi, okempetakari tsiorontsi. Obametee antayetero kameetsatatsiri aisati okamantee paita oyeene.
Piñanatero Salmos 119:105 aisati pinkenketsatabakaajeitya:
-
Yora sankenatakerori oka Salmos, ¿paita ikantakotirori Bibiria?
-
¿Paita pikantakotirori abirori ora Bibiria?
4. Ora Bibiria ankero asampiyetari
Aparoni tsinane oñanatakero Bibiria, oyotakero osampitakari. Pamenero SHIAKAANTSI aisati pinkenketsatabakaajeitya:
-
¿Paita osampiyetakari ora tsinane?
-
Oñanatantakarori Bibiria, ¿paita oyotabakeri?
Ora Bibiria okantimpi pisampitantayete. Piñanatero Mateo 7:7 aisati pinkenketsatabakaajeitya:
-
¿Ora Bibiria ankerompa pisampitakari? Pinkante pisampitakari.
5. Piñanaterorika Bibiria eiro pishemarotsi
Osheki atiri inebetaro iñananatiro Bibiria aisati iyotasanotakero. Pamenero SHIAKAANTSI aisati pinkenketsatabakaajeitya:
-
Ariorika iriñanate ebankaripee, ¿paita ikantakotirori?
-
Iro kantaincha, ¿paita inebetantarori iñanatiro Bibiria?
Ora Bibiria obeshireakaajeitee aisati obametee koajika antime kameetsa. Piñanatero Oromasati 15:4 aisati pinkenketsatabakaajeitya:
-
¿Pikoimpa piyotero paita abisatsine koajika aisati jaoka onkantyari obeshireakayempi Bibiria?
6. Intimerika obametempirone Bibiria ari piyotake
Osheki atiri apaniro iñanatiro Bibiria, aisati okameetsati pashini obameterine. Piñanatero Itiancaneni Jesoshi 8:26-31 aisati pinkenketsatabakaajeitya:
-
¿Jaoka pinkantyari pinkemantyarori Bibiria? (Pamenero orijaniki 30 aisati 31).
Shirampari poñachari Etiopiaki ikoake irobameyeeteri pashini Iriñane Tasorentsi. Aisati meeka yobamejeitiri kemisantatsiri osheki atiripee.
APAROPEE ATIRI IKANTI: “Patsipetashitaro piñanatiro Bibiria”.
-
¿Paita pikantiri abiro? ¿Paita kaari patsipetashitantaro piñanatero?
EIRO PIPEAKOTAROTSI
Ora Bibiria onkamanayee, ankero sampitaantsipee, obeshireakaajeitee aisati obametee paita abisatsine.
Paita piyotabakeri
-
¿Paita obametimpiri Bibiria?
-
¿Jaoka ojitari sampitaantsi obametimpiri Bibiria?
-
¿Paita pikoiri piyotero Bibiriaki?
PAMENERO PASHINIPEE
Piyotero paita okameetsatantari ankemisantero meeka okantiri Bibiria.
“La eterna sabiduría de la Biblia” (La Atalaya, núm. 1 2018)
Pamenero jaoka okantari amitakotantakariri Bibiria aparoni shirampari bashiretachari.
Pamenero paita obameteeri Bibiria asaikantyari kameetsa jeri ashaninkasanori.
“12 claves para una familia feliz” (¡Despertad!, núm. 2 2018)
Pamenero jaoka onkantyari obametantempirori Bibiria keariotatsiri. Kemperi, jaanika pinkatsaribentirori kipatsi.
