‏«خودای ئاسمان پاشایەتییەک بەرپا دەکا کە ھەرگیز بنبڕ نابێت»—‏دانیال ٢:‏٤٤‏.‏

‏«کوڕێکمان دەبێت کوڕێکمان پیدەدرێت سەرکردایەتی دەکەوێتەسەر شانی»—‏ئیشایا ٩:‏٦‏.‏

• فەرمانڕەوایەتییەکی ڕاستودروست کە تۆ خۆت سوودی لێ وەردەگری.‏—‏ئیشایا ٤٨:‏١٨،‏ ١٩‏.‏

• لەجیھانی داھاتوودا،‏ ژیان کامەرانی و تەندرووستی تەواوی تێدا دەبێ.‏—‏ئاشکراکردن ٢١:‏٣،‏ ٤‏.‏

بەڵی،‏ بەلانی کەم لەبەر دوو ھۆ:‏

• عیسای مەسیح نیشانی دا کە پادشایەتی خودا چی بەدیدھێنێ.‏ عیسا قوتابییەکانی فێرکرد بپاڕێنەوە تاکو پاشایەتی خودا بێت و تا خواستی خودا لەسەر زەوی پەیڕەو بکرێت.‏ (‏مەتتا ٦:‏٩،‏ ١٠‏)‏ عیسا دەریخست چۆن ئەو پاڕانەوەیە وەڵامدرایەوە.‏

  کاتێ عیسا لەسەر زەوی بوو،‏ برسییەکانی تێر کرد،‏ نەخۆشەکانی چاککردەوە،‏ ھەروەھا مردووەکانی زیندوو کردەوە!‏ (‏مەتتا ١٥:‏٢٩-‏٣٨؛‏ یۆحەنا ١١:‏٢٨-‏٤٤‏)‏ عیسا وەک فەرمانڕەوای داھاتووی پاشایەتی خودا،‏ پێشەکییەکی نایابی نیشاندا لەوەی کە پاشایەتییەکە بۆ ھاوکارانی دەیھێنێتەدی.‏—‏ئاشکراکردن ١١:‏١٥‏.‏

• بارودۆخەکانی جیھان دەیسەلمێنن کە پاشایەتی خودا بەمزووانە دێت.‏ عیسای مەسیح پێشبینی کرد کە پێشئەوەی پاشایەتییەکە ئاشتی بێنێتە سەرزەوی،‏ ئەم جیھانەمان ڕووبەڕووی بەڵای شەڕ و قەتوقوڕی بوومەلەرزە دەبێتەوە.‏—‏مەتتا ٢٤:‏٣،‏ ٧‏.‏

  ئێمە لەم سەردەمەدا ئەم بارودۆخانە دەبین.‏ کەواتە دەبێ متمانەمان ھەبێ کە پاشایەتی خودا بەمزووانە کۆتایی بەھەموو ئەو جۆرەکێشانە دەھێنێ.‏