‏«خودا .‏.‏.‏ ھەموو فرمێسکێکی چاویان دەسڕێتەوە،‏ ئیتر مردن نابێت،‏ شیوەن و ھاوار و ئازار نامێنن،‏ چونکەشتەکانی پێشوو بەسەرچوون.‏»—‏بینین ٢١:‏٣،‏ ٤‏.‏

بە ئەنجام‌گەیاندنی کاری بە سوود و ئاسوودەبەخش.‏—‏ئیشایا ٦٥:‏٢١-‏٢٣‏.‏

ئیتر ھیچ جۆرە نەخۆشی و ئازار چێژشتنێک نامێنێ.‏—‏ئیشایا ٢٥:‏٨؛‏ ٣٣:‏٢٤‏.‏

ژیانێکی بەختەوەرانەی بێ کۆتایی لەگەڵ خێزان و دۆستان بەسەر دەبەی.‏—‏زەبوور ٣٧:‏١١،‏ ٢٩‏.‏

بەڵێ،‏ بە لانی کەم لەبەر دوو ھۆکار:‏

• خودا توانای بەدیھێنانی بەڵێنیەکانی ھەیە‏.‏ پەرتووکی پیرۆز دەفەرمووێ بە تەنھا یەھوە خودا «ھەرە بە توانا»یە،‏ چونکە ھێزو توانای ئەو بێ‌سنوورە.‏ (‏بینین ١٥:‏٣‏)‏ کەوابوو خودا لە توانای دایە بەڵێنەکانی خۆی بھێنێتەدی‌و ئەو جیھانەی ئێمە تێیدا دەژین بۆ جێھانێکی باشتر بگۆڕێ.‏ ھەروەک پەرتووکی پیرۆز دەفەرمووێ «لەلای خودا ھەموو شتێک دەبێت».‏—‏مەتتا ١٩:‏٢٦‏.‏

• خودا ئارەزووی ھەیە بەڵێنەکانی بھێنێتەدی.‏ بۆ نموونە،‏ یەھوە «تامەزرۆ»ی ئەوەیە ئەو کەسانەی کە مردوون سەر لە نوێ زیندوو بکاتەوە.‏—‏ئەیوب ١٤:‏١٤،‏ ١٥‏.‏

  ھەروەھا پەرتووکی پیرۆز ئەوە ئاشکرا دەکات کە ڕۆڵەی خودا،‏ عیسای مەسیح نەخۆشی چاک دەکردنەوە.‏ ئەو بۆچی ئەم کارەی دەکرد؟‏ چونکە ئەوە خواستی ئەو بوو.‏ (‏مەرقۆس ١:‏٤٠،‏ ٤١‏)‏ عیسا بەو کارەی ڕەنگدانەوەیەکی تەواوی لەسەر کەسایەتی باوکی دەرخست،‏ چونکە خواستی باوکی ئەوەیە کە یارمەتی لێقەوماوان بدا.‏—‏یۆحەننا ١٤:‏٩‏.‏

  کەوابوو ئێمە دەتوانین متمانەمان بەوە ھەبێ کە یەھوەو عیسای مەسیح،‏ ھەردووکیان دەیانھەوێ یارمەتیمان بدەن بۆ ئەوەی چێژ لە داھاتوویەکی بەختەوەرانە وەرگرین.‏—‏زەبوور ٧٢:‏١٢-‏١٤؛‏ ١٤٥:‏١٦؛‏ ٢ پەترۆس ٣:‏٩‏.‏