‏«ھەموو کتێبی پیرۆز بەوەحی لە خودا ھاتووە.‏»—‏٢ تیمۆساوس ٣:‏١٦‏.‏

وەڵامی ئاسوودەبەخشە بۆ ئەو پرسیارە گرنگانەی دەربارەی ژیان لە ئارا دان.‏—‏پەندەکان ٢:‏١-‏٥‏.‏

ڕێنمایی باوەڕ پێکراوە کە لە ژیانی ھەموو ڕۆژێکماندا پێویستن.‏—‏زەبوور ١١٩:‏١٠٥‏.‏

ھیوای ڕاستەقینەیە بۆ داھاتوو.‏—‏ڕۆما ١٥:‏٤‏.‏

بەڵێ،‏ بە لانی کەم لەبەر سێ ھۆکار:‏

• گونجاوی ئەم پەرتووکە سەرسوڕھێنەرە.‏ پەرتووکی پیرۆز لە ماوەی ١٦٠٠ ساڵدا بە ھۆی ٤٠ کەسی جیاوازەوە نووسرا.‏ زۆربەی ئەو کەسانە ھەرگیز یەکتریان نەبینیبوو.‏ بەڵام سەرەڕای ئەوەش ھەموو بەشەکانی پەرتووکی پیرۆز لەگەڵ یەکتردا گونجاون‌و ئاماژە بۆ یەک بابەتی سەرەکی دەکەن.‏

• مێژوی ڕاست‌ودروست.‏ واپێدەچێ کە مێژونوسانی جیھان ھەمیشە شکستەکانی خەڵکی خۆیان دادەپۆشن.‏ بەڵام لە بەرامبەر ئەوەدا نووسەرانی پەرتووکی پیرۆز ڕاستبێژانە شکستەکانی خۆیان‌و نەتەوەکەیان تۆمار کردووە.‏—‏٢ ھەواڵی ڕۆژان ٣٦:‏١٥،‏ ١٦؛‏ زەبوور ٥١:‏١-‏٤‏.‏

• پێشبینی بڕواپێکراو.‏ پەرتووکی پیرۆز پێشبینی ڕووخانی شاری بابلی کۆن دەکات ئەویش ٢٠٠ ساڵ بەر لەوەی کە ڕوو بدات.‏ (‏ئیشایا ١٣:‏١٧-‏٢٢‏)‏ ئەم پێشبینییە نە تەنھا شێوەی ڕووخانی بابلی باس کردبوو بەڵکو ناوی داگیرکەرەکەشی ھێنابوو!‏—‏ئیشایا ٤٥:‏١-‏٣‏.‏

  ژمارەیەکی‌تری پێشبینییەکانی پەرتووکی پیرۆز بە ھەموو وردەکارییەکانیانەوە ھاتوونەتەدی،‏ بەڵام ئایا ئەمە ھەر ئەوە نییە کە لە وشەی خوداوە چاوەڕوان دەکرێ؟‏—‏٢ پەترۆس ١:‏٢١‏.‏