LESEN 02
Ewe Paipel A Awora Ápilúkúlúk
Chómmóng aramas ra kúna ekkewe osukosuk mi efisi ar letipechou, aúrek me pwal mwo nge cheuch. A fen fis ngonuk ekkena mettóch? Neman ka rirriáfféú pokiten eú semmwen are pokiten málóón emén attongeom. Eli ka kan ekkekieki, ‘Itá manaw epwe ékkéchúló?’ Ewe Paipel a pélúwenéchú ena kapas eis.
1. Ifa usun ewe Paipel a awora ngenikich ápilúkúlúk?
Ewe Paipel a áweweei pwata a fókkun chómmóng ach kewe osukosuk. A pwal erenikich ewe pwóróus allim pwe ekiseló chék Kot epwe amóeló meinisin ekkena osukosuk. Án Paipel kewe pwon ra tongeni awora ‘ngenikich eu fansounöch me apilükülük.’ (Álleani Jeremaia 29:11, 12.) Ekkena pwon ra álisikich le likiitú fán ach kewe osukosuk lón ei fansoun, eáni ekiek mi pwúng, me kúna pwapwa fóchófóch.
2. Met ewe Paipel a pwonei pwe epwe fis lón mwachkkan?
Ewe Paipel a erá pwe lón mwachkkan “esap chüen wor mäla ika letipeta ika kechü ika cheuch.” (Álleani Pwärätä 21:4.) Ekkewe osukosuk mi efisi án aramas meefi ápilúkúlúkúngaw lón ei fansoun, resap chúen nóm, áwewe chék ren mwelele, pwúngúngaw, samau, me máló. Ewe Paipel a pwonei pwe aramas repwe tongeni eáni ewe manaw esemuch lón Paratis wóón fénúfan.
3. Ifa usun kopwe tongeni lúkú pwe án Paipel kewe pwon repwe pwénútá?
Chómmóng aramas ra áneánei pwe epwe fis minne mi éch, nge rese tongeni lúkúlúk ika ar kana áneán epwe wesewesen fis. Nge a sókkóló án Paipel kewe pwon. Sia tongeni alapaaló ach lúkúlúk lón met Paipel a apasa ren ach etittinafichi are “kaiö lon ekewe Toropwe mi Pin.” (Föför 17:11) Atun ka káé ewe Paipel, kopwe tongeni pwisin filatá ika kopwe lúkú met a apasa usun mwachkkan.
KÚTTAFICHI
Ekieki ekkóch ekkeei mettóch Paipel a pwonei pwe repwe fis lón mwach. Ppii ifa usun ewe ápilúkúlúk Paipel a awora a ákkálisi aramas lón ei fansoun.
4. Ewe Paipel a pwone ngenikich pwe sia tongeni eáni ewe manaw esemuch ese wor riáfféú lón
Ikkeei án Paipel kewe pwon. Menni leir ka fókkun sani? Pwata?
Álleani ekkeei wokisin mi mak únúkkún ekkeei pwon, me pwóróusfengen wóón ekkeei kapas eis:
-
Óm lúkú nge ekkeei wokisin repwe álisuk? Óm lúkú nge án chón óm famili me chiechiom kewe silei ekkeei wokisin epwe pwal álisiir?
Anchangei pwe ka nónnóm ikewe
|
ESAP WOR EMÉN EPWE . . . |
MEINISIN REPWE . . . |
|---|---|
|
|
|
|
|
|
|
|
|
|
5. Án Paipel kewe pwon ra tongeni ekkesiwili ach ekiek
Chómmóng aramas ra lichippúng are pwal mwo nge song ren ekkewe osukosuk mi fiffis. Ekkóch ra angang weires le sótun émúrinnéló nónnómun fénúfan. Nengeni ifa usun án Paipel pwon pwe nónnómun fénúfan epwe échúló, a álisi aramas lón ei fansoun. Fichi ei VIDEO, me pwóróusfengen wóón ekkeei kapas eis.
-
Met sókkun féfférún pwúngúngaw lón ewe video a áweiresi Rafika?
-
Ikaamwo ese wes ewe féfférún pwúngúngaw a kúna, nge ifa usun ewe Paipel a álisi?
Án Paipel kewe pwon fán iten mwachkkan, ra tongeni álisikich le okkufu lichippúng me sópwéch lón ach likiitú fán ach kewe osukosuk. Álleani Än Salomon Fos 17:22 me Rom 12:12, me mwirin pwóróusfengen wóón ekkeei kapas eis:
-
Óm lúkú nge minne Paipel a apasa usun mwachkkan a tongeni émúrinnéló manawom iei? Pwata?
EKKÓCH RA ERÁ: “Án Paipel kewe pwon, iir áneán úchék.”
-
Pwata a lamot óm kopwe pwisin etittina ika mi pwúng?
MENLAPAN
A chómmóng án Paipel kewe pwon usun eú manaw mi apwapwa lón mwachkkan. A ngenikich ápilúkúlúk me émúrinnéló manawach lón ei fansoun.
Enniwili
-
Pwata a lamot án aramas repwe silei usun án Kot kewe pwon?
-
Met ewe Paipel a apasa usun mwachkkan?
-
Ifa usun óm silei án Paipel kewe pwon usun mwachkkan a tongeni álisuk lón ei fansoun?
PWAL EKKÓCH PWÓRÓUS
Káé ifa usun ápilúkúlúk a tongeni álisuk atun ka nóm fán weires.
Álleani ifa usun ewe ápilúkúlúk fán iten mwachkkan a tongeni álisi chókkewe iir mi semmwenittam.
“Itá ewe Paipel A Tongeni Álisuk lón Óm Semmwenittam?” (Web article)
Atun ka katol ei video mi fiti nikáttik, anchangei pwe ámi me óm we famili oua eáni eú manaw mi apwapwa lón ewe Paratis Paipel a pwonei.
Álleani ifa usun emén mi sótun siwili mwékútúkútún mwú, a siwililó ren an káé án Paipel kewe pwon usun mwachkkan.
“I No Longer Feel That I Have to Change the World” (The Watchtower, July 1, 2013)
