“Kot . . . epwe talüpwasei chönün mas seni won meser meinisin. Esap chüen wor mäla ika letipeta ika kechü ika cheuch.”​—Pwärätä 21:3, 4, Paipel are Testamentin Lom me Testament Söfö.

A anúkúnúkúkich pwe esap efisien Kot ach kewe osukosuk.​—James 1:13.

A oururukich ren ach silei pwe Kot mi unusen weweitikich atun sia kúna riáfféú.​—Sekaraia 2:8.

Ngenikich ápilúkúlúk pwe riáfféú meinisin repwe wesiló.​—Kölfel 37:9-11.

Ewer, ikkeei ruu popun:

• Kot a oput riáfféú me pwúngúngaw. Ekieki meefien Jiowa Kot atun néún kewe aramas lóóm ra kúna kirikiringaw. Paipel a apasa pwe i a letipengaw pokiten “chokewe mi . . . aweiresiir.”​—Soukapwüng 2:18.

  Kot a oputa chókkewe mi efeiengawa ekkewe ekkóch. Áwewe chék, ewe Paipel a apasa pwe “pau mi niela aramas esap wor ar tipis,” ra ánioput me ren.​—Än Salomon Fos 6:16, 17.

• Kot a tongei emén me emén leich. Esap chék ewe emén a silei “riaföün püsin lelukan,” nge pwal Jiowa!​—2 Kronika 6:29, 30.

  Jiowa epwe áeá an we Mwú pwe epwele aúkaló án emén me emén riáfféú. (Mateus 6:9, 10) Nge ren mwo iei, fán tong a oururu chókkewe mi enletin kútta i.​—Föför 17:27; 2 Korint 1:3, 4.