¿Ima tomoshina lokopa al Biblia?
¿Ima tokoma...
-
... lijl pikiajma lin shanúkʼ?
-
... lekʼa anefotsoya?
-
... litayki jlan Dios?
LOKOPA AL BIBLIA
«Ma mi nijlyí jli espíritu jlan Dios timukʼila te lainijlyakú.» (2 Timoteo 3:16, Lataiki Loya-apa Ijle Alkʼa Lishpikʼepa Jlan Dios.)
TEJ WENA KAJL TSINYAKÚ JANI LIMETSʼAYKOJLÉ
Ajl tsinme titalay-e ashpe laykuitsufyá (Proverbios 2:1-5).
Ajl wayinm-e jáway litine ajl wajme-emon-a lapanjya (Salmo 119:105).
Tipa-a awena lajl wayjma lokuaykoya (Romanos 15:4).
¿TIPA-A TE PERA KAJL KIEKʼEYAKÚ LOKOPA AL BIBLIA?
Maitsi, tipa-a tama afane lotalay-epa:
-
A-i mita-alekoyoshi. Al Biblia inijlpá oke nusháns lin shanúkʼ ikojlpa 1,600 kamatsʼ. Ashpela ijlniya a-i kilimetsʼaykoyojltsi, al Biblia a-i mita-alekoyoshi je lekʼa anuli loya-apa.
-
A-i mifelaykeyi lokopá. Itsiya laynijlpa temiyi mimenajmola lijl pijlya. Linijlpá al Biblia a-i kijl kuanaka limenajpola ni lijl pijlya (2 Crónicas 36:15, 16; Salmo 51:1-4).
-
Luya-akopa enamjlʼipá. Oke mashnu kamatsʼ al Biblia uya-apa tijowma al kueka kijlya Babilonia (Isaías 13:17-22). A-i lekʼa kikuakʼ tekoiya mekaniya lijlya, ma inajuayspa luftine naitsi lo jouneya (Isaías 45:1-3).
Luya-akopa al Biblia enamjlʼipá nijtintsi kimenkʼejma. ¿A-i tojliya lajl waykoyaku litayki jlan Dios? (2 Pedro 1:21.)
TAYKUISFʼESHOSHI
¿Tekoiya majl tokʼiya al Biblia?
Toshinma lotalay-epa al Biblia loshuepa ISAÍAS 48:17, 18 je 2 TIMOTEO 3:16, 17.