Samtang dinhi si Jesus sa yuta, gipakita niya nga gimahal gyod niya ang mga tawo. Iya pa ganing gihatag ang iyang kinabuhi para nila. (Mateo 20:28; Juan 15:13) Sa dili madugay, iya na pong ipakita ang iyang gugma sa mga tawo pinaagi sa paggamit sa iyang awtoridad ingong Hari sa Gingharian sa Diyos sa ‘pagpahunong sa mga gubat sa tibuok yuta.’—Salmo 46:9.

 Matikdi ang giingon sa Bibliya bahin sa kon unsay himoon ni Jesus:

•   “Luwason niya ang kabos nga nagtuaw alang sa tabang, ingon man ang timawa ug si bisan kinsa nga walay magtatabang. Maluoy siya sa timawa ug sa kabos, ug luwason niya ang kinabuhi sa mga kabos. Luwason niya sila gikan sa pagdaogdaog ug kapintasan.”—Salmo 72:12-14.

 Unsaon nato pagpakita ang atong apresasyon sa tanang gihimo ni Jesus para nato ug sa iya pang himoon sa umaabot? Sa Lucas 22:19, giingnan ni Jesus ang iyang mga sumusunod nga hinumdoman ang iyang kamatayon. Maong kada tuig, magtigom ang mga Saksi ni Jehova sa anibersaryo sa iyang kamatayon. Giimbitar ka namo nga motambong sa Memoryal sa kamatayon ni Jesus nga pagahimoon sa Dominggo, Marso 24, 2024.

Pangitag Memoryal