Ikaw ba nag-inusara ug nagmagul-anon? Kon mao, susama tingali ang imong gibati nianang sa salmista kinsa miingon: “Nahisama kog langgam nga nag-inusara sa atop.” (Salmo 102:7) Ang Bibliya makatabang nimo sa pag-atubang sa mga problema nga motungha tungod sa pag-inusara.

•  Pakigsuod sa Diyos

•  Pagbasag makapahupayng mga teksto sa Bibliya

•  Sabta ang kahulogan sa mga panghitabo sa kalibotan

•  Likayi ang sobrang kabalaka

•  Pakighigala

•  Magpabiling aktibo sa pisikal

 Bisag nag-inusara, magmalipayon ka kon ilhon nimo ang imong espirituwal nga panginahanglan ug tagbawon kini. (Mateo 5:3, 6) Ang mosunod nga libreng mga materyal makatabang nimo sa pagsugod sa pagtagbaw sa maong panginahanglan.

•   Online nga Bibliya nga tukma ug sayon basahon

•   Mugbong mga video sa pipila ka importanteng pagtulon-an sa Bibliya

•   “Tubag sa mga Pangutana Bahin sa Bibliya”​—Direktang mga tubag sa komon nga mga pangutana

•   “Sundoga ang Ilang Pagtuo”​—Kini nga serye makatabang nimo nga maimadyin ang mga panghitabo sa kinabuhi sa matinumanong mga lalaki ug babaye sa Bibliya

•   “Gidisenyo ba Kini?”​—Kini nga serye nagpasiugda sa kanindot ug kakomplikado sa kalalangan

  Kini nga mga teksto nakahupay sa daghan. Imbes magbasag daghang teksto sa usa ka higayon, gamita ang imong panahon sa pag-inusara ingong kahigayonan sa pagpamalandong sa matag teksto ug sa pag-ampo.​—Marcos 1:35.

•   Salmo 23:1-6

•   Salmo 34:1-22

•   Salmo 46:1-11

•   Salmo 63:6-8

•   Salmo 91:1-6

•   Mateo 6:25-34

•   2 Corinto 1:3, 4

•   Filipos 4:6, 7

•   1 Pedro 5:6, 7

  Mas sayon nimong maatubang ang bisan unsang makapaguol nga situwasyon dihang mahibalo ka kon nganong nahitabo ang daotang mga butang ug kon unsay himoon sa Diyos aron mawala kana ug ang dili maayong epekto niana.​—Isaias 65:17.

•   Nganong gitugotan sa Diyos ang pag-antos?

•   Unsay giingon sa Bibliya bahin sa sakit ug panglawas?

•   Unsa ang ilhanan sa kataposang mga adlaw?

•   Kinsa ang upat ka mangangabayo sa Pinadayag?

•   Unsay himoon sa Gingharian sa Diyos?

  Ang mga artikulo bahin sa mosunod nga mga topiko makatabang nimo sa pag-atubang sa stress ug sa paglikay sa sobrang kabalaka.​—Mateo 6:25.

•   Kon unsay himoon dihang ma-stress

•   Magpabiling positibo

•   Kabalaka bahin sa kapeligrohan

•   Kabalaka bahin sa kuwarta

•   Kabalaka nga giatubang sa mga batan-on

  Ang pagpakighigala makatabang nimo nga magmapositibo ug magmalipayon. Ug mas importante pa gyod ni dihang dili nimo makita ang imong mga higala sa personal. Kon dili ka makagawas sa balay, puwede tingali kang mag-videoconference o motawag sa imong mga higala o sa gusto nimong mahigala. Ang mosunod nga mga artikulo makatabang nimo sa pagpangitag tinuod nga mga higala ug sa pagkahimong “tinuod nga higala.”​—Proverbio 17:17.

•   Unsa ang tinuod nga higala?

•   Sa imong mga barkada lang ba ka makigsuod?

•   Gibati ba nimo nga wala kay mga higala?

•   Mahimong maayong higala pinaagi sa pagkamahinatagon

•   Mahimong maayong higala pinaagi sa pagkamapasalamaton

  Ang Bibliya nag-ingon nga “ang pag-ehersisyo naay . . . kaayohan.” (1 Timoteo 4:8, footnote) Kini makatabang nimo nga magmapositibo ug magmalipayon, ilabina dihang nag-inusara ka. Bisag dili ka makagawas sa balay, posibleng duna kay mahimo aron makapabilin kang aktibo sa pisikal.

•   Paglihoklihok

•   Paningkamot nga molig-on ang imong resistensiya ug madaog ang imong kamingaw ug kaguol