Kanay konklusyon sa team sa mga researcher gikan sa lainlaing nasod bahin sa climate change. Kon nagtuo ka nga naay Maglalalang nga nahigugma sa mga tawo, kini nga konklusyon magpahinumdom tingali nimo sa pagkadisenyo sa Diyos sa atong planeta—nga naay daghang natural nga proseso aron maulian kini gikan sa kadaot.

Pero tungod sa grabeng kadaot nga gihimo sa mga tawo sa yuta, labaw pa sa natural nga mga proseso ang gikinahanglan aron maulian ang atong planeta. Nganong makaseguro ta nga naay himoon ang Diyos bahin niini?

Matikdi ang mga teksto nga naa sa kahon nga magpasalig nato nga ang yuta maulian ug magpabilin pa gani.

• Gibuhat sa Diyos ang atong planeta. “Sa sinugdan gibuhat sa Diyos ang langit ug ang yuta.”—Genesis 1:1

• Ang Diyos ang tag-iya sa atong planeta. “Iya ni Jehova⁠ a ang yuta ug ang tanang anaa niini.”—Salmo 24:1

• Gidisenyo sa Diyos nga magpabilin ang atong planeta. “Gipahiluna niya ang yuta diha sa mga pundasyon niini; kini dili matarog sa dapit niini hangtod sa kahangtoran.”—Salmo 104:5

• Ang Diyos nagsaad nga magpadayon ang kinabuhi dinhi sa yuta hangtod sa hangtod. “Ang matuod nga Diyos, ang Usa nga nag-umol sa yuta, . . . wala maglalang niini sa wala lamay kapuslanan, apan nag-umol niini aron puy-an.”—Isaias 45:18

• Ang Diyos nagsaad nga ang mga tawo magpuyo sa yuta hangtod sa hangtod. “Ang mga matarong manag-iya sa yuta, ug sila magpuyo niini hangtod sa hangtod.”—Salmo 37:29

Gidisenyo sa Diyos ang yuta nga naay natural nga mga proseso aron maulian ni gikan sa adlaw-adlawng kalihokan sa mga tawo. Ang Bibliya nag-ingon nga naay gitakdang panahon si Jehova nga Diyos aron taposon ang pag-abuso ug pagdaot sa atong planeta.—Pinadayag 11:18

Ang Bibliya nagsaad nga himoon sa Diyos nga nindot kaayong paraiso ang atong planeta ug iyang “tagbawon ang tinguha sa tanang buhing linalang.”—Salmo 145:16