Ecclesiastes 1:1-18
1 Ang mga pulong sa instruktor,*+ ang anak ni David, nga hari sa Jerusalem.+
2 “Pagkadako nga kakawangan!”* ang instruktor miingon,“Pagkadako nga kakawangan! Ang tanan kawang!”+
3 Unsay makuha sa tawo sa tanan niyang paghagoNga iyang gihagoan ilalom sa adlaw?+
4 Ang usa ka kaliwatan molabay, ug ang laing kaliwatan moabot,Apan ang yuta magpabilin* hangtod sa hangtod.+
5 Ang adlaw mosilang,* ug ang adlaw mosalop;Unya kini magdalig balik* sa dapit diin kini mosilang pag-usab.+
6 Ang hangin mohuros sa habagatan ug motuyok paingon sa amihanan;Kini magpadayon sa pagtuyok; ang hangin magbalikbalik sa agianan niini.
7 Ang tanang sapa* nagaagos paingon sa dagat, apan ang dagat wala mapuno.+
Ngadto sa dapit diin ang mga sapa nagaagos, kini mobalik didto aron magpadayon ug agos.+
8 Ang tanang butang makabudlay;Gani, walay makasulti bahin niini.
Ang mata dili makontento sa makita niini;Ug ang dalunggan dili matagbaw sa madungog niini.
9 Ang nahitabo na, mahitabo gihapon,Ug ang nahimo na, himoon pag-usab;Walay bag-o ilalom sa adlaw.+
10 Duna bay butang nga ang usa makaingon, “Tan-awa—bag-o kini”?
Kini naglungtad na sa dugayng panahon;
Kini naglungtad na una pa sa atong panahon.
11 Walay makahinumdom sa mga tawo sa kanhing panahon;Ug walay makahinumdom niadtong mangabot sa ulahi;Ug sila dili mahinumdoman niadtong mangabot pa gyod sa ulahi.+
12 Ako, ang instruktor, ang hari sa Israel didto sa Jerusalem.+
13 Gitinguha nako nga tun-an ug suhiron pinaagi sa kaalam+ ang tanang nahimo ilalom sa kalangitan+—ang makapaguol nga buluhaton nga gihatag sa Diyos ngadto sa mga anak sa mga tawo nga nakapapuliki kanila.
14 Nakita nako ang tanang buluhaton nga gibuhat ilalom sa adlaw,Ug tan-awa! ang tanan kawang, samag paggukod sa hangin.+
15 Ang baliko dili na matul-id,Ug ang kulang dili na maapil ug ihap.
16 Unya miingon ko sa akong kasingkasing: “Tan-awa! Nakabaton kog dakong kaalam, nga labaw kang bisan kinsa nga nauna kanako sa Jerusalem,+ ug ang akong kasingkasing nakabaton ug dakong kaalam ug kahibalo.”+
17 Gitinguha nako nga mahibaloan ang kaalam ug ang tinonto* ug ang kabuangan,+ ug sama usab kinig paggukod sa hangin.
18 Kay ang dagayang kaalam magdalag dagayang kagul-anan,Busa bisan kinsa nga magpauswag sa kahibalo magpasamot sa kasakit.+
Mga Footnote
^ Literal, “magtitigom.”
^ O “Pagkawalay-kapuslanan!”
^ Literal, “mobarog.”
^ O “mosidlak.”
^ O “mobalik nga naghangos.”
^ O “sapa sa tingtugnaw.”
^ O “grabeng kabuangan.”