JW LIBRARY
Kon Unsaon nga Komportable ang Imong Pagbasa—iOS
Daghag feature ang JW Library para komportable ang imong pagbasa. Kini nga mga function makita sa navigation bar sa ibabawng bahin sa screen dihang magbasa kag kapitulo o artikulo.
Kinahanglang i-tap nimo ang More button para makita ang ubang function diha sa navigation bar.
Sunda ang mosunod nga mga instruksiyon para komportable ang imong pagbasa:
Kon Unsaon Pag-ilis ug Pinulongan
Puwede nimong ilisan ang pinulongan sa kapitulo o artikulo nga imong gibasa.
I-tap ang Languages button aron makita ang ubang pinulongan nga available para sa publikasyon nga imong gibasa. Nag-una sa listahan ang mga pinulongan nga kanunay nimong gigamit. Makita sab dinhi ang simplified nga edisyon sa The Watchtower. Puwede sab nimong i-search ang pinulongan nga imong gusto.
Mailhan nimo nga ang pinulongan wala pa ma-download kay naa niy cloud icon. I-tap ang gusto nimong pinulongan para ma-download ang publikasyon. Human ma-download ang publikasyon, mawala na ang cloud icon. I-tap pag-usab ang maong pinulogan aron mabasa kini.
Kon Unsaon Pag-adjust sa Text Size
Puwede nimong i-adjust ang text size para klaro nimo ning mabasa.
I-tap ang Text Settings button, dayon irog-iroga ang slider aron pagamyon o padak-on ang mga letra. Kon na-adjust na nimo ni, parehas nga text size ang makita nimo sa tanang publikasyon.
Kon Unsaon Paggamit sa View Image o Text
Puwede nimong i-view ang mga artikulo sa image o text format. I-tap ang toggle button aron mailis-ilis ang format niini.
View Image: Kon pilion nimo ang image view, makita nimo ang samang hitsura sa nakaimprenta nga publikasyon. Daghan ang mopili niini nga format kon mag-view ug mga publikasyon sama sa songbook, diin makita ang nota sa musika.
View Text: Kon text view ang imong pilion, mapindot nimo ang mga link sa mga teksto, ug puwede sab nimong i-adjust ang text size sa publikasyon.
Kon Unsaon Paggamit sa Open in . . .
Gamit ang Open in . . . feature, puwede nimong matan-aw ang sulod sa JW Library didto sa laing mga app.
I-tap ang Open in . . . button aron makita ang listahan sa available nga mga option. Pananglitan, puwede nimong i-tap ang Open in Online Library button aron ma-open ang page nga imong gibasa didto sa Watchtower ONLINE LIBRARY.
Kon Unsaon Pag-customize sa Look-up Bibles
Kon imong i-tap ang usa ka teksto, mabasa nimo ang mga bersikulo. I-tap ang Customize button ubos sa mga bersikulo para makapili ka kon unsang hubag sa Bibiya nga imong gi-download ang gusto nimong iapil sa listahan.
I-tap ang Add button kon naa kay gustong iapil, o Remove button kon naa kay gustong tangtangon. Puwede nimong i-drag ang mga Bibliya pataas ug paubos aron ma-adjust ang pagkahan-ay niini.
Tan-awa ang “Kon Unsaon Pag-download ug Pag-manage sa mga Bibliya—iOS” aron mahibalo ka kon unsaon pagdugang ug ubang Bibliya diha sa JW Library.
Kini nga mga feature gi-release niadtong Pebrero 2015 diha sa JW Library 1.4, nga compatible sa iOS 6.0 o sa mas bag-ong mga version. Kon dili nimo makita kini nga mga feature, palihog sunda ang mga instruksiyon sa artikulong “Kon Unsaon Paggamit sa JW Library—iOS,” ubos sa Gamita ang Kinabag-ohang Features.
