Niadtong Agosto 8, 2023, ang kusog kaayong hangin nga epekto sa bagyo miresultag dako kaayong wildfire sa Maui, nga ikaduha sa kinadak-ang isla sa Hawaii, sa U.S.A. Tungod ana, nangadaot ang mga communication system ug nangasunog ang mga balay ug mga negosyohanan. Ang lokal nga gobyerno nag-isyu ug mandatory evacuation sa pipila ka mga lugar didto. Labing menos 55 ka tawo ang kompirmadong namatay. Gawas ana, ang mga bombero nagpadayon sa pagpatay sa ginagmayng wildfire sa Big Island sa Hawaii.

Ang mosunod maoy inisyal nga report gikan sa lokal nga mga igsoon.

• Walay namatay o naangol nga mga igsoon

• 243 ka igsoon ang gibakwet o namahawa sa ilang puy-anan

• 24 ka balay ang nasunog

• 1 ka balay ang dunay gamayng damage

• Walay Kingdom Hall o ubang pasilidad sa organisasyon ang nasunog o nadaot

• Ang mga tigdumala sa sirkito ug lokal nga mga ansiyano naghatag ug praktikal nga tabang ug nagpalig-on sa mga naapektohan

• Padayon ang pag-organisar ug dugang tabang para sa mga nanginahanglan

Naghinamhinam ta sa umaabot dihang wad-on na sa Diyos ang mga kalamidad nga resulta sa dili maayong panahon nga nakaapektar pag-ayo sa daghang tawo niining kataposang mga adlaw, apil na sa atong mga igsoon.—Marcos 4:39.