Gikan sa Septiyembre 7 hangtod 8, 2023, grabeng gibaha ang Hong Kong tungod sa kusog nga mga ulan. Sulod lang sa 24 oras, ang ulan miabot ug halos 60 sentimetros (o 24 pulgadas)—mga 25 porsiyento sa ulan nga sagad mobunok dinhi kada tuig. Nahitabo ni samtang ang lokal nga mga awtoridad ug mga residente nag-antos pa sa epekto sa Super Typhoon Saola, nga mihapak mga usa ka semana pa lang ang milabay. Ang kusog nga ulan miresultag mga pagbaha ug landslide, ug grabe ning nakaguba sa daghang propidad ug bilding sa Hong Kong. Daghang residente ang na-injure o napugos sa pagbakwet.

• Ikasubo, 1 ka brader ang namatay tungod sa baha

• 1 ka balay ang naay minor damage

• Walay na-damage o naguba nga mga Kingdom Hall

• Ang lokal nga mga ansiyano naghatag ug praktikal ug espirituwal nga tabang niadtong naapektohan sa baha

Naguol kaayo ta sa pagkamatay sa atong minahal nga brader ug naghinamhinam na ta sa adlaw nga wad-on na sa “Diyos sa tanang paghupay” ang mga kalamidad ug ang makapaguol nga mga resulta niini.—2 Corinto 1:3.