“Nsi kamànyam nsi tshoʼ moʼ nufen ze a tswe matmat là.”​—Daniel 2:44, Ntshob Nsi.

“Bo bwe taʼ mén mandum be. Nu netô njù bʼa ntùm mbu mi.”​—Esaya 9:5, Ntshob Nsi.

• Ze nufen bʼa num ze be mebwô.​—Esaya 48:17, 18.

• Yôg bo ntswe mebwô ntùm njù nswe.​—Apokalipse 21:3, 4.

Ñ, num tshu boho:

• Yésu laʼde tshu tse Nufen Nsi ghù là. Yésu tswide be ne ke leʼde Nsi ndù: ghù nufen so seʼe, ghù yo nekô bumde mba mfe kamànyam mba num nsitshaʼa. (Matio 6:9, 10) Yésu lo laʼde mba yen leʼde là nsi bumde là.

  Ngelañ Yésu be num tshaʼ là, a kém benntùn, yade ghangokèt, mbam mfe ben num vù! (Matio 15:29-38; Yohané 11:38-44) Mba a ben be mven Nufen Nsi là, Yésu tshob mebwô ze nufen nsi ghù ben tse là.​—Apokalipse 11:15.

• Tshu tse a tshwèt tôg ntùm njù là tshwèt ndaʼde mbe Nufen Nsi ghepte. Yésu lo ntshob mbe Nufen aʼ be loʼ fide seʼ yi num tshaʼa, njù be ntùm ntsho, nzikuʼ be, tshaʼ bèn nyiʼde.​—Matio 24:3, 7.

  Mba be tshwét njen tshen ngeʼ là sènni là, be bam mbe Nufen Nsi ghepte num ne seʼ biagde ngeʼ.