“Dibata si erkuasa nandangi surga majekken sada kerajan si la pernah kernep.”​—Daniel 2:44, Pustaka si Badia Terjemahen Doni si Mbaru.

“Kerajan Tuhanta ras KristusNa enggo merentah manusia.”​—Ketangkasen 11:15.

• Banci sidatken kegeluhen si dame bas pemerentahen si adil janah si banci iteki.​—Jesaya 48:17, 18.

• Bas doni si mbaru si nandangi reh, banci sidatken kesehaten si sempurna ras keriahen ukur.​—Ketangkasen 21:3, 4.

Enda piga-piga alasenna:

• Jesus enggo ncidahken kai pagi si ilakoken Kerajan Dibata. Ajarken Jesus pengikutna ertoto mindo gelah reh Kerajan Dibata janah gelah terjadi peratenNa i doni. (Matius 6:9, 10) Kerajan e pagi si ndungi kerina masalah manusia.

  Paksa Jesus i doni, kalak si melihe iberena man, ipepalemna kalak sakit, janah ipegeluhna kalak si enggo mate! (Matius 15:29-38; Johanes 11:38-44) Emaka selaku calon Raja Kerajan Dibata, icidahken Jesus kai si luar biasa si lakoken Kerajan e pagi man rakyatnya.​—Ketangkasen 11:15.

• Keadan doni si gundari ncidahken maka ntisik nari reh me Kerajan Dibata. Nina Jesus, sope Kerajan e erban doni jadi dame, i japa pe pagi terjadi perang, kurang pangan, ras gempa.​—Matius 24:3, 7.

  Bage me siidah gundari. Jadi, banci kita tek maka ntisik nari Kerajan Dibata ndungi kerina masalah e.