Delili dɔw bɛ yen, Ala tɛ sɔn ka minnu jaabi. An ka fɛn fila lajɛ minnu b’a to Ala tɛ sɔn ka mɔgɔ ka delili jaabi.

1. Delili min ni Ala sago tɛ taa

Delili minnu ni Ala sago tɛ taa walima minnu tɛ kɛ ka kɛɲɛ ni a ka laɲininta kofɔlenw ye minnu bɛ Bibulu kɔnɔ, a tɛ olu lamɛn. (1 Yuhana 5:14) Misali la, Bibulu b’a ɲini an fɛ an ka an yɛrɛ tanga wasabaliya ma. Sobon bɛ na ni wasabaliya ye. (1 Kɔrɛntekaw 6:9, 10) O la, ni an bɛ delili kɛ walasa an ka gaɲe sobon na, Ala tɛ an lamɛn. Ala tɛ mɔgɔ ye an bɛ se ka “min jagoya” a ka an sagonafɛnw bɛɛ di an ma. Tiɲɛna, an ka kan ka an ka waleɲumandɔn jira ka ɲɛsin o ma. Ni o tun tɛ, an tun bɛna siran mɔgɔ tɔw ka deliliw ko la.—Yakuba 4:3

2. Ni delili kɛbaga bɛ murutili walew kɛ

Mɔgɔ minnu cɛsirilen don walasa ka murutili walew kɛ ka Ala dusu kasi, Ala tɛ olu ka deliliw jaabi. Misali la, mɔgɔ minnu tun ko u bɛ ka Ala bato k’asɔrɔ u bɛ ka murutili walew kɛ, Ala y’a fɔ olu ye ko: “Ni aw ye delilibaw kɛ, ne tɛna aw lamɛn, k’a masɔrɔ aw bolow nɔrɔkɔlen don mɔgɔ joli la.” (Esayi 1:15) Nka ni u tun ye u ka ɲɛnamaya kɛcogo yɛlɛma ani k’a ɲini u ni Ala “ka ɲɔgɔn faamu”, a tun bɛna u ka deliliw jaabi.—Esayi 1:18.