Bibulu sɛbɛnbaga dɔ min tɔgɔ ko Luka, o kumana tan cogo la ka ɲɛsin Yesu ka ɲɛnamaya kow ma: “Ko minnu bɛɛ kɛra kabini u daminɛ tuma, ne fana ye sɛgɛsɛgɛli kɛ olu ko la kosɛbɛ.”—Luka 1:3.

Yesu ka ɲɛnamaya tariku min bɛ wele ko kibaru duman ni o sɛbɛnna a ka waati mɔgɔw fɛ ni olu ye—Matiyu, Marka, Luka, ani Yuhana ye, mɔgɔ dɔw b’a fɔ ko yɛlɛmaw donna o tarikuw la an san kɛmɛ naaninan na.

Wa o n’a ta bɛɛ, Yuhana ka sɛbɛn kɔrɔ fan dɔ sɔrɔla Misira an san kɛmɛ 20nan daminɛ na. A welela Papyrus Ryland 457 (P⁵²) ani a mara la John Rylands ka bibiliyotɛki la, Manchester, Angiletɛri. Sisan Bibuluw Yuhana 18:31-33, 37, 38 kumaw bɛ bɛn o sɛbɛn kɔnɔkumaw ma.

O sɛbɛn in de ye sɛbɛn ye min kodɔnnen don ni o ka kɔrɔ ni krecɛn Gɛrɛkikan Sɛbɛnniw bɛɛ ye.

Tariku dɔnbaga caman dalen bɛ a la ko o sɛbɛn in sɛbɛnna san 125 K.L., ni o bɛ bɛn san mugan ni duuru ɲɔgɔn ma a fɔlɔ fɔlɔ bɔlen kɔ.

Yuhana ka sɛbɛn kɔrɔ fan dɔ min sɔrɔla, o kɔnɔkumaw ni minnu sɛbɛnna a kɔfɛ kɔnɔkumaw bɛɛ ye kelen ye ka ban.