I bɛ sini ye cogo di?
Yala an ka diɲɛ . . .
bɛna to tan wa?
bɛna juguya ka taa fɛ wa?
bɛna fisaya wa?
BIBULU BƐ NIN DE FƆ
“Ala . . . na ɲɛji bɛɛ cɛ ka bɔ u ɲɛ la. Saya tɛna kɛ tun, su kasi fana tɛna kɛ tun, wala kasikan wala dimin, k’a masɔrɔ fɛn fɔlɔw tɛmɛnna.”—Jirali 21:3, 4, Bible Senuma, 1996.
O KƆRƆ BƐ SE KA KƐ MIN YE E BOLO
I ka baara bɛna i nafa ani ka i nisɔndiya.—Esayi 65:21-23.
Bana walima tɔɔrɔ o ni a ɲɔgɔnnaw tɛna kɛ bilen.—Esayi 25:8; 33:24.
Hɛrɛ banbali na kɛ i n’i ka denbaya ani i teriw cɛ.—Zaburu 37:11, 29.
BIBULU BƐ MIN FƆ YALA AN BƐ SE KA DA O LA TIGITIGI WA?
Ɔwɔ, kun fila kosɔn:
Se bɛ Ala ye k’a ka lahiduw bɛɛ tiimɛ. Bibulu kɔnɔ, Jehova Ala kelenpe de bɛ wele ko “Sebaayabɛɛtigi” ka d’a kan dan tɛ a ka sebaaya la. (Jirali 15: 3) Ola se bɛ a ye, ka a ka lahidu tiimɛ, ni o ye ka yɛlɛma don an ka diɲɛ na walasa k’a fisaya. O kosɔn Bibulu bɛ a fɔ ko, “Ala bɛ se ka fɛn bɛɛ kɛ.”—Matiyu 19:26.
A nege bɛ Ala la k’a ka lahiduw bɛɛ tiimɛ. Misali la, a “nege” bɛ Jehova la ka mɔgɔ salenw lasegin ɲɛnamaya la.—Job 14:14, 15.
Bibulu bɛ a jira fana ko Ala denkɛ, Yesu, ye banaw kɛnɛya. Mun na a ye o kɛ? Ka d’a kan o kɛli diyara a ye. (Marka 1:40, 41) Ka dɛsɛbaatɔw dɛmɛ o tun kadi Yesu ye, a kɛtɔ ka o kɛ min kɛ a ye a fa ladege.—Yuhana 14:9.
Ola, an bɛ se ka d’a la k’a kadi Jehova ni Yesu ye ka an dɛmɛ ka siniɲɛsigi ɲuman sɔrɔ!—Zaburuw 72:12-14; 145:16; 2 Piɛrɛ 3:9.
I HAKILI JAGABƆ NIN KAN
Ala bɛna mun kɛ walisa an ka diɲɛ ka fisaya?
Bibulu bɛ nin ɲininkali jaabi di MATIYU 6:9, 10 ani DANIƐL 2:44 kɔnɔ.
Ninnu fana lajɛ
ESSENTIAL BIBLE TEACHINGS
Ala ka Masaya ye mun ye?
Yesu ka waajulibaara la, a ye mɔgɔw kalan Ala ka Masaya ko la ka tɛmɛn fɛn tɔw bɛɛ kan. San kɛmɛ caman kɔnɔna na, a nɔfɛmɔgɔw ye delili kɛ walasa o Masaya ka na.
ANW KO LA
A ɲini u ka na bɔ i ye
Baro kɛ ɲininkali dɔ kan min sinsinnen bɛ Bibulu kan, walima a ɲini ka fɛn caman dɔn Jehova Seerew ko la.
