“!Ol man we oli harem tok blong God mo oli stap obei long hem, olgeta ya nao oli glad!” —Luk 11:28, Niu Wol Translesen.

Bambae yufala i lavlavem yufala. —Efesas 5:28, 29.

Bambae yufala i respektem yufala. —Efesas 5:33.

Bambae yufala i joen gud.—Mak 10:6-9.

Yes, from ol risen ya:

• God hem i Stamba blong famle. Baebol i talem se Jehova God i “stamba blong olgeta famle.” (Efesas 3:14, 15) Taswe, hem nao i stanemap plan ya blong famle. ?From wanem save ya i impoten?

  Traem tingbaot: Sipos yu kakae wan kakae we tes blong hem i gud we i gud, ale, yu wantem save se oli putum wanem long kakae ya. ?Bambae yu askem long hu? Bambae yu askem long man we i kukum kakae ya.

  Long sem fasin, sipos yumi wantem save ol samting we oli givhan long famle blong stap glad, bambae yumi lukluk i go long Jehova, we hem i Stamba blong famle.—Jenesis 2:18-24

• God i kea long yu. Ol famle oli waes sipos oli lukaotem advaes blong Jehova we i stap long Baebol. ?From wanem? “From we hem i kea long yufala.” (1 Pita 5:6, 7) !Jehova i wantem givhan long yu, mo ol advaes blong hem oli gud oltaem!—Ol Proveb 3:5, 6; Aesea 48:17, 18.