Proveb 8:1-36
8 ?I no waestok ya we i stap singaot??Mo i no fasin luksave ya we i stap leftemap voes blong hem?+
2 Hem i stap long rod, long ol ples we i hae,+Mo i go stanap long ples we ol rod oli seraot.
3 Hem i stap stanap long saed blong ol get we oli go insaed long taon,Long ol doa we oli blong go insaed long taon,I stap gohed blong singaot bigwan i se:+
4 “Olgeta, mi mi stap singaot i kam long yufala,Mi stap singaot bigwan i kam long yufala evriwan.*
5 Yufala we i no gat ekspiriens, yufala i mas lanem blong tingting gud fastaem,+Yufala ya we i stupid, yufala i mas traehad blong kasem wan hat we i kasemsave samting.
6 Yufala i mas lesin gud, from we ol tok we mi talem oli impoten,Maot blong mi i talem ol samting we oli stret,
7 From we mi talemaot trutok long fasin we i kaen,Mo maot blong mi i no laekem nating ol samting we i nogud.
8 Olgeta tok we i stap kamaot long maot blong mi oli stret gud.
I no gat wan long olgeta i fasfas o i kruked.
9 Man we i gat fasin luksave, olgeta tok ya oli klia nomo long hem,Mo olgeta we oli gat save, oli luk se ol tok ya oli stret.
10 Yu mas jusum ol tok we mi talem blong tijim yu, i no silva,Mo yu jusum save, be i no gol we i beswan,+
11 From we waes i gud moa i winim ol korel,*Mo ol narafala samting we ol man oli stap wantem tumas, i no gat wan we i sem mak long hem.
12 Mi, waestok, mi stap wetem fasin blong skelem gud samting,Mi mi faenem save finis, mo fasin blong yusum gud tingting.+
13 Fasin blong fraet* long Jehova, i min se man i no laekem nating samting we i nogud.+
Mi mi no laekem nating we man i leftemap hem wan mo i praod+ mo rod we i no stret, mo ol giaman tok.+
14 Mi mi gat gudfala advaes, mo waes we i wok gud,+Fasin blong kasemsave samting,+ mo paoa,+ tufala i blong mi.
15 Mi mi mekem se ol king oli stap rul,Mo ol haeman oli stap mekem ol loa we i stret.+
16 Mi mi mekem se ol prins oli stap rul,Mo ol lida oli stap jaj long stret fasin.
17 Mi mi lavem olgeta we oli stap lavem mi,Mo olgeta we oli stap lukaotem mi, bambae oli faenem mi.+
18 Ol rij samting mo glori oli stap wetem mi,Mo ol sas samting we oli save stap olwe,* wetem stret fasin.
19 Ol samting we man i kasem long mi, oli gud moa i winim gol, yes gol we i klin gud,Mo samting we mi mekem, i gud moa i winim silva we i beswan.+
20 Mi stap wokbaot long rod blong stret fasin,Long medel blong ol rod blong mekem jastis.
21 Mi mi givim wan rij samting we mi putumgud i stap, long olgeta we oli lavem mi,Mo mi fulumap gud ol stohaos blong olgeta.
22 Jehova i mekem mi olsem stat blong olgeta samting we hem i mekem,+Mi mi faswan long olgeta wok we hem i mekem bifo olgeta.+
23 Longtaem bifo i kam,* mi mi stap finis,+Hemia long stat finis taem wol ya i no stap yet.+
24 Taem i no gat ol wota yet,+ be mi mi bon finis,*Mo long taem ya, ol springwota we naoia oli fulap gud, oli no stap yet.
25 Bifo we oli putum ol bigfala hil long ples blong olgeta,Mo bifo we oli putum ol hil long ples blong olgeta, be mi mi bon finis,
26 Hemia long taem ya we hem i no mekem wol ya, mo ol ples blong mekem garen yet,Mo i no wokem wan pis graon nating long wol ya yet.
27 Taem hem i stap rerem heven,+ mi mi stap long taem ya,Taem hem i putum wan mak bitwin* skae mo solwota,+
28 Mo taem hem i putum klaod* antap,Taem hem i openem ol hol long dip wota we ol springwota oli kamaot long hem,
29 Mo taem hem i putum wan loa blong solwota,Se ol wota blong hem oli no mas go bitim oda blong hem,+Mo taem hem i stanemap* ol fandesen blong wol ya,
30 Be mi mi stap long saed blong hem olsem wan nambawan man blong wok.+
Mi nao we evri dei hem i glad moa long mi,+Long fes blong hem, mi mi glad oltaem.+
31 Mi mi glad blong luk wol ya blong hem we ol samting oli save laef long hem,Mo mi glad moa long ol pikinini blong man.*
32 Naoia ol boe blong mi, yufala i lesin gud long mi,Yes olgeta we oli folem ol rod blong mi, oli glad.
33 Yufala i mas lesin long ol tok blong stretem yufala,+ blong yufala i kam waes,Mo yufala i no mas sakemaot.
34 Man we evri dei, long eli moning i stap kam* long ol doa blong mi,Mo i kam stanap long saed blong ol pos blong doa blong mi, i stap wetBlong lesin long mi, hem i glad,
35 From man we i faenem mi, bambae i faenem laef,+Mo Jehova i glad long hem.
36 Be man we i no gat taem wetem mi, hem i stap givim kil long hem wan,*Mo olgeta we oli no laekem mi nating, oli laekem ded.”+
Ol futnot
^ PT: “long ol pikinini blong man.”
^ NT: “tinghevi.”
^ NT: “ol sas samting we mi kasem long ol olfala blong mi.”
^ NT: “Bifo we bifo olgeta.”
^ NT: “be oli mekem bigfala wok ya finis blong mekem mi.”
^ PT: “wan mak i goraon long.”
^ PT: “klaod i stap strong.”
^ NT: “taem hem i givim oda blong wokem.”
^ NT: “laekem moa ol man.”
^ NT: “Man we i wekap nomo i stap.”
^ NT: “sol blong hem.”
